निसर्गाच्या गप्पा (भाग - १५)

जाई जुई चमेली कशी ओळखावी या धाग्यावरची माझी पोस्ट इथे देत आहे. जाणकारांनी प्रकाश टाकावा.

मी ज्या वेलीला जाई म्हणते तिला इकडे विदर्भात चमेली म्हणतात, तर जुईला जाई म्हणतात.
मग चमेली नक्की कशी दिसते ते काही समजत नाही.

अजुन एक सातारा भागात एक वेल येते जी मी फलटण चौकात अवधुत नावाच्या हॉटेलच्या कंपाऊंडला आणि चाफळच्या राम मंदिरात पाहीली आहे, तो गजर्‍याचा एकेरी मोगरा नक्कीच नाही.
पानांची ठेवण थोडी कुंदा आणि जुईच्या पानांच्या जवळ जाणारी.
फुल जुई आणि एकेरी मोगर्याचे कॉम्बीनेशन आहे.
हिच वेल मी पाटणजवळ निवकण्याची जानुबाईला तिथल्या जंगलात पण पाहीली आहे.

जाई - जुई बद्दल हा गोंधळ मी देखील अनुभवलाय. प्रांता प्रांतानुसार ही नावे नुसतीच बदलत नाहीत तर त्यांची अदलाबदलही होते.

http://www.sparkpeople.com/mypage_public_journal_individual.asp?blog_id=...

इथे एकाने फरक दाखवलाय.

आर्या तै अगदीच चुकीची माहीती वाटतेय.
मदनबाण तेवढा बरोबर आहे.
जुई म्हणुन भलतेच फुल दाखवलेय.
जाई म्हणुन चक्क एकेरी मोगरा आहे.
सायलीचेही तसेच.

हो ना! जाई आणी सायली बद्दल मलाही गोंधळ वाटला तिथे.

हो ना! जाई आणी सायली बद्दल मलाही गोंधळ वाटला तिथे.>>>>>>>>>.मी पण परवा वडीलांना नावे विचारत बसले होते. (लक्षात काय आहे विचारू नका :अओ:)

या जाई - जुईची बॉटेनिकल नावे कळतील का? या शास्त्रमान्य नावांवरुन फोटो शोधणे सोपे पडेल.

उद्या जाईचे फोटो टाकीन. संपूर्ण वेल मस्त फुलली आहे.

.

लुई अस्वथ होऊन खूप खाजवायला लागला. म्हणून नीट पाहिलं तर अंगात गोचिड्यांसारखे मोठे किडे चिकटल्यासारखे दिसत होते. आणि आश्चर्य म्हणजे तो जिथे बसून उठत होता तिथे छोटे काळे किडे पडलेले दिसत होते. मग हेच काळे किडे मोठे होऊन अंगाला चिकटलेले गोचिडसदृश किडे होतात का? अजून लक्षात येत नाही.
मग डॉ. मा पाचारण केलं त्यांनी त्याला अ‍ॅनॅस्थिशिया देऊन सुरी आणि कात्रीने ते मोठे गोचिडसदृश किडे ओढून काढले. मग भूल उतरल्यावर तो बराच आनंदी दिसायला लागला. नंतर ३/४ दिवस गोळ्यांचा डोस दिला.
एक तर इथे अती पाऊस झाला. त्यात आजूबाजूला गाईगुरं...म्हणून डॉ.च म्हणणं पडलं की तिथून ते किडे इकडे येतात. आणि पावसाळी हवेने ते वाढले.
आता प्रिकॉशन घ्यायला लागेल.
असो........नंतर शरदने त्याला अंघोळ घातली.
तर ही लुईची तो तो......

तो तो नंतर गाई गाई..........

लुई रिलिव्ड दिस्तोय आता

छान आहे.

मधु-मकरंद, भाज्यांची माहिती मस्त. पण चाकवत फक्त हिवाळ्यातच २ महिने मिळतो. फार नाजुक भाजी आहे ती. पाने इतर पालेभाज्यांसारखी तजेलदार न दिसता मलूल झालेली असतात बाजारात येईपर्यंत.

आज कितीतरी दिवसांनी (वर्षांनी खर तर!) घराजवळ एक चिमणी दिसली.

सुदुपार!
कुठे गेले सगळे?

बापरे....... जागू अगं डॅनी चावत नाही का ...........कारण गोचिड्या झालेल्या ठिकाणी नुस्ता हात जरी लावला तरी लुई अंगावर आल्यासारखं करतो. म्हणून तर भूल द्यायला लागली.

मी ५०० वी.:स्मित:

असे किटक कुत्रांना फारच त्रासदायक वाटतात. आमच्याकडे पण आम्ही पावडरच वापरत होतो.
( पण असे रक्तपिपासू किटक बहुतेक जनावरांना त्रास देतात. म्हणून तर बिचारे शेपटी हलवत / खाजवत असतात. खुपदा बगळ्यांसारखे पक्षी यासाठी मदत करतात. )

आज संध्याकाळी फिरायला जंगलात गेलो होतो. मस्त मजा आली. कुडा, वावडिंग, कातणी, टाकळा, कुर्डू इ. भाज्या पाहून/आणून झाल्या. अक्खा पिसारा सांभाळत जाणार्‍या मोराला बघून झालं. करमळाची मोठ्ठी पानं जेवणासाठी जमवून झाली.. रानफुलं दिसली. अशी संध्याकाळ सत्कारणी लागली.

हे काय आहे ते कुणाला माहीत असल्यास कृपया सांगा. लाजाळू नाही. काटे नाहीत, पाने मिटत नाहीत आणि आकार लाजाळूपेक्षा लहान.

ही रानतुळस. वास तुळशीपेक्षा भयंकर उग्र. तुळशीत ओवा मिसळल्यासारखा. हिचे काही उप्योग आहेत का?

अरे बापरे किती दिवस मी येथे आले नाही? आता सर्व वाचून काढले. छान माहिती आणि फोटो.

पिशी अबोली,

मला तो कवळा वाटतोय पण जागू नक्की सांगू शकेल.

जाई आणि चमेलीचे फोटो टाकावे म्हटलं तर.....ते गुगल प्लसच उघडतंय.
आत्ताआत्ता तर आपले जिप्सीभौ आणि जागुतै यांची "टूशन" लाऊन पिकासावरून इथे फोटो टाकायला शिकले होते. आता पिकासा म्हटल्यावर ते गुगल प्लस काय उघडतंय? त्यात फोटो दिसताहेत पण लिंक टु द फोटो इ.इ. काहीच दिसत नाहीये
माणसांनी शिकावं तरी काय काय?

जागुले....अगं वरचे लुईचे फोटो बघ ना कसे टाकलेत पिकासावरूनच. आता पिकासा म्हटलं की ते गुगल प्लसच येतंय. आणि त्यात लिंक टु द फोटो असं काहीच दिसत नाहीये. असो....आज माझा लेक आणि सून येताहेत त्यांची "टूशन" लावते. बघू काही प्रकाश पडतो का! (असो.....इथे अवांतर झालं जरा. हा विषय बंद! )

चला मी पण थोडेसे विषयांतर करतो..
परवा रात्री ब्रेड कापताना बोट कापले ( स्विस नाईफचा प्रताप ) बराच वेळ रक्त थांबेना. बर्फ दाबून ठेवला / बोट तोंडात दाबून ठेवले / ब्रेडचा तुकडा दाबला तरी रक्त थांबेना. शेवटी प्रज्ञाच्या काकांनी दिलेली हळदच कामाला आली. (ती हळद फार जपून म्हणजे काटकसरीने वापरतो मी, आणि पदार्थात अक्षरशः चिमूटभर घातली तरी पुरते.) ती दाबून धरली आणि थोड्याच वेळात रक्त थांबले. आज तर जखम सुकायलाही लागली.

आभार मानायचा उपचार नाही पाळणार मी, प्रज्ञा.

शेवटी प्रज्ञाच्या काकांनी दिलेली हळदच कामाला आली. (ती हळद फार जपून म्हणजे काटकसरीने वापरतो मी, आणि पदार्थात अक्षरशः चिमूटभर घातली तरी पुरते.) ती दाबून धरली आणि थोड्याच वेळात रक्त थांबले. आज तर जखम सुकायलाही लागली.>>>>>>>>>>>व्वा! मी कधी बोट कापल तर हाच उपाय करते. लगेच रक्त थांबून, जखमही लवकर बरी होते.

आभार मानायचा उपचार नाही पाळणार मी, प्रज्ञा.>>>>>>>>>>> बरोबर आहे.

आता ह्या तीन फ़ुलांची नावे बरोबर आहेत का सांगा.
ही जाई ना?

ही जुई.

आणि हे कुंदाच फ़ुल आहे का?

पान १७, पिशी अबोली यांचा फोटो: हा कवळा आहे का? लाजाळू सारखा असतो. दोन चार वेळा हात लावल्यानंतर लाजाळू सारखा मिटतो. लहान नाजूक पिवळी फुले येतात.