" आरती कंत्राटदाराची - "

Submitted by विदेश on 25 July, 2013 - 00:53

जीव जाई, जीव जाई, कंत्राटदारा
थैली झटकुन खड्डेदुरुस्ती करा ||

साटे लोटे तुमचे जमले असेल
आगाऊ रक्कम घेतली असेल
लाज शर्म थोडी शिल्लक असेल
नैतिकता काही ध्यानीमनी धरा ||

पावसाळ्यात नेमके खड्डे पडावे
सगेसोयरे तुमचे त्यात धडपडावे
विरोधी प्रतिनिधीनी गृही ओरडावे
खाल्लेल्या पैशावर उपकार करा ||

अपचन अजीर्ण होऊ देऊ नका
डोळ्यावर कुणाच्या तुम्ही येऊ नका
आयकरवाले पहा घालतील डाका
घरच्या लक्ष्मीची आठवण करा ||
.

विषय: 
काव्यलेखन
शब्दखुणा: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

याला म्हणतात कविता !
यमक जुळवले आहेत, व्यवस्थित पद्यात लिहीली आहे. शाब्बास विदेश !

Submitted by उद्दाम हसेन on 25 July, 2013 - 12:24

अतीउत्तम !!!!
धन्स

पण कंत्राटदार ही आरती ऐकून प्रसन्न होतील का नक्की ??? Wink

Submitted by वैवकु on 25 July, 2013 - 14:48

कंत्राट दाराच्या आणलेत ध्यानी
लक्ष्मीची आठवण ठेवून मनी
त्याने कसे वर्तावे जनी
सुंदर रचना तुमची देखणी

शुभेच्छा

Submitted by विनायक. दि.पत्की. on 27 July, 2013 - 04:10