फक्त आणि फक्त श्रीदेवी — इंग्लिsh विंग्लिsh

मस्त रिफ्रेशींग मुव्ही आहे.. एकदा तरी बघावाच.

वेस्टर्न चिक फ्लिक असती तर नायिकेन एक समर रोमान्स पदरी पाडून मग जीवनाची वाटचाल सुरू ठेवली असती. पण इथे भारतीय संस्कृती, लग्नबंधनातील गोडी हे पॅरामिटर्स आहेत म्हणून दिग्दर्शिकेने दाखिवलेले नाही. ते सूटही होते सिनेमात.

शी डेव्हील नावाचा इंग्रजी सिनेमा जरूर बघा. मेरील स्ट्रिप रोझॅन बार आहेत. ह्यावरून बीबी नं वन आला होता.
हेवन फॉर्बिड.

चित्रपट आवडला

खटकणार्‍या बाबी
१) श्रीदेवीचे हिंदी : श्रीला (शशी गोडबोलेला) ईंग्रजी पेक्षा हिंदी शिकवणी असावी असे वाटते
२) गोडबोले परिवार अजिबात मराठी वाटत नाही (एक सुलभा देशपांडे सोडल्या तर परिवार पंजाबी मद्रासी काँबो वाटते )
३) राजमा आणिक नवभारत टाईम्स (मराठी कुटुंबात )
४) नवराई माझ्या लाडाची गाण्यावर पंजाबी नृत्य
५) चित्रपट रेवतीच्या 'फ्रेंड' आणि जबान संभालके चे मिश्रण वाटते

तो छोटा मुलगा किती गोड आहे...

(( १) गोडबोले परिवार (आणि तिच्या बहिणीचाही ) अजिबात मराठी वाटत नाही (एक सुलभा देशपांडे सोडल्या तर परिवार पंजाबी मद्रासी काँबो वाटते )
३) राजमा आणिक नवभारत टाईम्स (मराठी कुटुंबात )
४) नवराई माझ्या लाडाची गाण्यावर पंजाबी नृत्य ))+१

पण पिक्चर आवडला.

काल पाहिला.. एकदम मस्त आहे चित्रपट. एकदा पाहणे अगदी मस्ट

रिव्यु वाचुन/ट्रेलर पाहुन तिच्या मुलीबद्दल थोडे निगेटीव मत झालेले पण चित्रपट पाहताना तिचे वागणे नैसर्गिक वाटते. श्रीचा मुलगा अफलातुन.. थोडे लिस्पिंग करत बोलणा-या त्या लहानुग्याला सतत बघत बसावेसे वाटत होते.

पण श्रीचा आवाज मात्र नेहमीसारखा सतवत होता. चेहरा योग्य जागी योग्य भाव दाखवणारा पण आवाज मात्र कधीकधी अगदीच कोरडा तर कधी अधुनमधुन कोरडा... जरा आवाजाकडे लक्ष दिले असते तर मला परत पाहावासा वाटला असता हा चित्रपट.

शी डेव्हील नावाचा इंग्रजी सिनेमा जरूर बघा. मेरील स्ट्रिप रोझॅन बार आहेत.
येस्स.. सुंदर चित्रपट. बीबी न. १ आधी पाहिलेला.

सगळ्यांना तो फ्रेंच अ‍ॅक्टर आवडला, काम चांगलंच केलं आहे त्याने... पण ते कॅरॅक्टर मला फारसं पटलं नाही. हा क्लासला का येतो या प्रश्नाचं उत्तर 'शशी साठी येतो' असं देतो तिथेच पटेनासं झालं ते कॅरॅक्टर.. साधी छानशी मैत्री असूच शकत नाही का? डायरेक्ट यांना फिलिंग्ज कशी निर्माण व्हायला लागतात? तू त्या क्लास इंग्रजी शिकायला येतोस ना मग ते कारण सांग ना.... बरं, शशीचा क्लास बुडू नये म्हणून याची केवढी धडपड.. का? तर ती त्याला आवडते म्हणून, क्लासमेट म्हणून नाही, त्या चायनीज मुलीला केला असता का याने असाच तासनतास फोन जर तिचे क्लास बुडले असते तर? गम्मत दाखवायला म्हणून गच्चीत नेतो तर बाबा निखळ मजाच नाही, तिथे सुद्धा हा काहीतरी चान्स मारायला बघणार.. अरे काय हे? जरा चांगली बाई दिसली की लगेच लटकायला कसा लागला हा? तू फ्रान्स मधून कशाला आलायस बाबा? तुझं आयुष्यात उद्दिष्ट काय आहे? काही नाही..... ही आवडली की आपलं रोज क्लास सुटल्यावर हिच्या मागे मागे जायचं... बावळटपणा नुसता!

मला मेह्दी नबु प्रचंड आवडला. ते कॅरॅक्टर जाम भावलं खरंतर. मला नाही वाटलं कुठेही तो चान्स मारायचा प्रयत्न करतोय. हा तिच्या बरोबर वेळ घालवण्याचा नक्कीच प्रयत्न करतोय आणि ती आवडतेय हे त्याने प्रांजळपणे कबुलही करून टाकलंय.त्याच शशी कडे पाहन सुधा किती छान आहे.त्यात ओढ , आकर्षण जाणवतं पण लालच नाहीये.
चित्रपट पण खूप आवडला मला. हां काही लुपहोल्स राहिलेत यात पण जसे कि मराठी घर वाटत नाही वगेरे पण एकूण अनुभव सुखद आहे. श्रीदेवी चा अभिनय अप्रतिम फक्त तिचा आवाज खटकतो.

फ्रेंच अ‍ॅक्तरच्या बाबतीत तो चिकटतोय असं वाटत नाही. टेरेसवरच्या दृष्यातही खरे तर तीच टेरेसच्या खोलीला घाबरून तोल जाऊन अभावितपणे त्याच्या हातांमध्ये पडते. त्यात वेळ जास्त वाटत असला तरी प्रत्यक्शात ते क्षणैकच आहे.
खरे तर फूड हा मानवांतला एक बंध आहे हीही एक थीम चित्रपटात आहे. उदा. मोतीचूर लाडू, शाळेच्या फादरबरोबरची केळ्याच्या वेफर्सबद्दल झालेली जिव्हाळ्याची चर्चा. तो फादरदेखील घरच्या वेफर्सच्या आठवणीने 'हलून' जातो.आणि फदरचा आणि तिचा याबाबतही एक अनामिक जिव्हाळा निर्माण होतो. तसे शशी आणि मेहदी यांच्यातला धागा फूडच असतो. तिने क्लासमध्ये आणलेला डबा. त्याचे रेस्टॉरन्ट काढण्याचे स्वप्न.

शशीला त्याच्या मिठीत जाणे पारम्परिक संस्कारामुळे गिल्टी वाटत असावे. त्याच्या बाजूने तसे काही थिंकिंग असेल असे वाटले नाही....

बावळट दिसण्याचा तिने कितीही प्रयत्न केला तरी ती दिसु शकणारच नाही.>>>

हा सगळ्यात मोठा विनोद किशन कन्हैया सारखे चित्रपट पाहिलेले दिसत नाहीत तुम्ही

अजुन पाहिला नाही पण भक्ताच परम कर्तव्य म्हणून इथे श्रीदेवी साठी हजेरी लावणं मस्ट
श्रीदेवी आणि तिचा कॉमेडी सेन्स , नो वन कॅन मॅच इट, बॉलिवुड च्या कुठल्याच लिडिंग लेडिज मधे इतका अफाट कॉमेडी सेन्स नाही :).

मंजिरी अग तो खर तर इंग्लिश शिकायलाच आलेला असतो. पण तो शशी कडे आकर्षित होतो म्हणून तो ते तस कारण सांगतो.बाकी आह म्हणते त्या प्रमाणे <<त्याच शशी कडे पाहण सुधा किती छान आहे.त्यात ओढ , आकर्षण जाणवतं पण लालच नाहीये.>> हे मात्र खर

गौरी शिंदे रॉक्स, मस्तं सिनेमा दिलाय तिनी श्रीदेवीला कम बॅक साठी !
श्री चं कम बॅक हे अस्सच व्हायला हवं होतं, मला अतिशय आवडला :).
'गोडबोले-मराठी कुटुंब वाटत नाही-श्रीदेवी मराठी वाटत नाही, हिंदी वरून ती साउथ इंडियन वाटते' इ. सगळ्या गोष्टी इग्नोअर माराव्या इतका बाकी सिनेमा सही जमलाय :).
श्रीदेवीचा अभिनय आवडलाच, दिसते पण अतिशय ग्रेसफुल अ‍ॅज ऑलवेज !
तिची फिगर, तिची साडी नेसण्याची स्टाइल आणि ग्रेसफुली कॅरी करण्याची कमाल फक्त श्रीदेवीच करु शकते.. नो वन कॅन मॅच हर ग्रेस !
सब्यासाचीने तिच्या साठी डिझाइन केलेल्या साड्या पण आवडल्या !
अमिताभ नी एकच प्रसंग केलाय पण जी धमाल उडवलीये त्याने थिएटर मधे शिट्ट्या न वाजतील तर नवल :).
फ्रेंच अ‍ॅक्टर्चं काम पण खूप आवडलं..रोमान्स कसा डोळ्यातून दाखवतात , ते बॉलिवुडच्या लिडिंग हिरोज नी त्याच्या कडून शिकावं.. त्याचे आणि श्रीदेवीचे प्रसंग सही जमलेत.
माझ्या कडून साडे ४ स्टार्स :).

डीजेला ३०० वडे.
जय श्रीदेवी!

मी पण पाहिला, मलाही जाम आवडला.
डीज्जे +१
मी पुन्हा पहाणार. घरी येवून मोतीचूर लाडू पण खाल्ला

.रोमान्स कसा डोळ्यातून दाखवतात , ते बॉलिवुडच्या लिडिंग हिरोज नी त्याच्या कडून शिकावं.. त्याचे आणि श्रीदेवीचे प्रसंग सही जमलेत.>>> +१

मला तर आत्ता मस्त शिट्टी वाजवावीशी वाटतेय .

मीही पाहिला. अनपेक्षितपणे चांगला, हलकाफुलका, मनाची थोडी घालमेल करवणारा वाटला. श्रीदेवी ही आवाज सोडला तर ग्रेट! ती आणि तीच सगळ्या सिनेमाभर आहे पण बाकीच्यांचा अभिनयही छान!
चित्रपटात चुका काढण्यासारख्या बर्‍याच गोष्टी होत्या. तरीही आवडला. ब्रेकफास्टला पराठ्याऐवजी पोहे चालले असते, जेवणातील पदार्थ मराठी. पण जाऊ दे! एरवी कसल्या कसल्या बिनडोक चित्रपटात काहीही चालून जाते त्यापेक्षा यात काहीतरी मस्त पहायला मिळाले. इंग्लीश वर्गात सगळ्यांनी धमाल केलीये. बरेचदा हसून पुरेवाट झाली. श्रीदेवीच्या साड्या साध्या पण चांगल्या आहेत. मुलीच्या विचित्र वागण्याचे फार काही वाटण्यापेक्षा हिने आई म्हणून खपवून कसे घेतले असा प्रश्न पडला. मुलगा अगदी गोड. नवरा हा टिपिकल नवरा वाटला. फ्रेंच अ‍ॅक्टर बराच भाव खाऊन जातोय. त्याच्या भावना प्रमाणिकपणे सांगितल्यावर त्या राममूर्तीची प्रतिक्रिया पाहून, ऐकून खो खो हसायला आले. इतक्या साध्या सिनेमात ही उपकथा मस्त खपून गेलीये. गाणी चांगली तर आहेतच, वेगळीही आहेत. शिर्षक गीत, गुस्ताख दिल ही जास्त आवडली. नवराई माझी लाडाची हेही ठेका धरायला लावते. सगळ्या सिनेमाभर एकच व्हायला हवं होतं ते म्हणजे प्रसंग सीमलेस वाटायला हवे होते. काही ठिकाणी खटके दाबून प्रसंग बदलल्यासारखे वाटले. पण एकूण छान अनुभव. गौरी, श्रीदेवीचे खरेच अभिनंदन.

श्रीदेवी जाम बोर होते. आवाज डोक्यात जातो. उच्चार महान आहेत त्या बाईचे. वगैरे कारणांने पहायचा विचार नव्हता. इथे आणि जिकडे तिकडे त्याबाबत वाचून पहावासा वाटतो आहे.

मैना +१

श्रीदेवीचा अभिनय मस्तच जमलाय ह्यात शंकाच नाही. पहिल्यांदा अमेरिके पर्यंतचा प्रवास एकटीनेच करण्याच्या कल्पनेनंच घाबरणं, कॅफे मधल्या बाईने अपमानित केल्या नंतरचा राग, अगतिकता, घाबरगुंडी, आत्मविश्वास खचणं इ. इ . अफलातून व्यक्त केलंय तिने नुसत्या देहबोलीतून! कम बँक दणदणीत झालंय तिचं इतकं नक्की!

पण मूळात ती माहेरून मराठी की दाक्षिणात्य हा उलगडा नीट होतच नाहीये सिनेमात. तिचे साऊथ कडचे उच्चार खटकतात सुरुवातीला! पण नंतर सवय झाल्यावर तिकडे लक्ष जात नाही. तिने हिंदी पेपर वाचायला घेतला तेव्हा वाटले की ती मूळात साऊथची असेल व मराठी माणसाशी लग्न झाले असेल. पण तिच्या भाचीचे अमेरिकेतले लग्न मराठमोळ्या पद्धतीने दाखविले आहे. :-० म्हणजे माहेरूनही ती मराठीच आहे असे म्हणायला वाव आहे. कि मग तिच्या बहिणीनेही साऊथ कडची असूनही मराठी भ्रतार केला आहे. :-०

जिप्सी ने मटाच्या review मधला हा जो भाग वर एका प्रतिसादा दिला आहे, त्यावरून ती मूळात साऊथची आहे असे दाखविण्याचा प्रयत्न वाटतोय!
"शशी ही मराठी व्यक्तिरेखा असली तरी सगळ्यांना चहा देताना स्वतः कॉफी पिणं. इडली बनवणं. स्वरातला दाक्षिणात्य हेल. आणि केरळी व्यक्तीशी भेट झाल्यावर होणारा आनंद हे पाहिल्यावर शशी मराठी असूनही तिच्यात मराठीपण का जाणवत नाही, याचं उत्तर मिळतं. मूळच्या दाक्षिणात्य तिने गोडबोलेशी लग्न केलंय, हा संदर्भ कुठेही न बोलता अगदी सहज दिलाय. त्याचवेळी अमेरिकेत भाचीच्या लग्नाच्या वेळी सासूला फोन करून नवराई... हे मराठी गाणं लिहून घेणं आणि ते गाणंही अतिशय निखळ वाटतं"

किंवा सिनेमाच्या एडिटिंग मध्ये हा उल्लेख असणारा भाग निसटून गेला असण्याची शक्यता आहे, असं म्हणूया हवं तर!

बघितला .. आवडला .. श्रीदेवीचं काम छानच आणि बाकीच्यां ची ही मस्त ..

आवडलाच. श्रीदेवी ऑस्सम! "मी पन्नाशीला आले तरी कित्ती बै अजून ग्लॅमरस" या धडपडीमधे न पडता नायिकाप्रधान, पण ग्लॅमर पासून हट के, तरी ग्रेसफुल लुकिंग अस स्मार्ट कॉम्बिनेशन आहे या रोल मधे आणि श्री डिड इट विथ पर्फेक्शन.
आधी न्यूनगंड, संधी मिळताच त्यावर मात करण्यासाठे चुकत माकत धडपड, मग थोड्याशा कॉम्प्लिमेन्टस मुळे आलेला आत्मविश्वास हे इतकं मस्त दाखवलंय!
यात अनावश्यक ड्रामाचा मोह दिग्दर्शिकेने टाळलाय त्याचं कौतुक वाटलं. बरेच प्रसंग होते तसला भडक ड्रामा टाकण्यायोग्य

******स्पॉइलर अ‍ॅलर्ट

त्या फ्रेन्च माणसाला पण ती भारतीय मेलोड्रॅमॅटिक नारीसारखी पूर्ण झिडकारून टाकत नाही की प्रतिसाद/ उत्तेजन पण देत नाही. उलट शेवटी "थॅन्क्स फॉर मेकिंग मी फील बेटर अबाउट मायसेल्फ" असे म्हणते ते आवडलं मला.
ऐन लग्नाच्या दिवशी लाडूचा तो अ‍ॅक्सिडेन्ट , त्याच वेळी तिची एक्झाम ...अशा वेळी ती तेच करते जे एखादी मध्यमवर्गीय गृहिणी करेल! (अगदी 'बहु बेगम' नाही की 'नातिचरामि' पण नाही ! )
तसंच ती एक महिन्यात एकदम फाडफाड इन्ग्रजी बोलली असती तर अ. आणि अ. वाटलं असतं पण इथे तिचं शेवटचं भाषण करताना किंचित अडखळतच पण नवर्‍याला अन पोरांना शॉक देण्याइतपत पुरेसं इन्ग्रजी बोलणं हे छान घेतलंय!
बायदवे अमिताभ चा प्रसंग अनावश्यक वाटला अ‍ॅक्चुअली

त्या फ्रेन्च माणसाला पण ती भारतीय मेलोड्रॅमॅटिक नारीसारखी पूर्ण झिडकारून टाकत नाही की प्रतिसाद/ उत्तेजन पण देत नाही. उलट शेवटी "थॅन्क्स फॉर मेकिंग मी फील बेटर अबाउट मायसेल्फ" असे म्हणते ते आवडलं मला. >> + १००००० ही तिच्या मॅच्युअर स्वभावाची झलक एकदा तो टिचर बाहेरुन ऐकत आतलं त्याच्याबद्दलचं गॉसिप ऐकत असतो तेव्हाही तिच्या बोलण्यातून दिसली होती.

अमिताभ बच्चन म्हणजे छानसं डेकोरेशन होतं गं पदार्थावरचं. म्हणजे मूळ पदार्थातला भाग नाही... फक्त डेकोरेशन, सादरीकरण खुलवणारं

अखेरीस पाहिला. आवडला. अ आणि अ गोष्टी आहेतच, पण जौ द्या. तेवढ्या चालायच्याच.
श्रीदेवी सहन झाली हीच एक अचिव्हमेंट. साड्या सुरेख आहेत अगदी. ओव्हरअ‍ॅक्टिंग कमी आहे आणि आवाजाचा पिच बरा आहे.
उच्चार रे देवा!! दीड दशकाहुन अधिक ज्या क्षेत्रात, ज्या भाषेत काम केले तरीही ती भाषा येऊ नये.. अचंबा वाटतो कधीतरी या लोकांचा.

सहज सुंदर!! मला आवडला!

कुठलाही आयटम साँग नसलेला, सध्याच्या इतर चित्रपटांपेक्षा थोडा हटके विषय, बिगबजेट, मल्टीस्टारकास्ट आणि कुठलाही मेलोड्रामा नसणारा हा चित्रपट खरंच वेगळा आणि मस्त आहे.>>

अगदी सहमत!

श्रीदेवीचा चेहरा पूर्वीइतकाच चांगला आहे परंतु नाक काहीतरी विचित्र वाटले.कायतरी सर्जरी फर्जरी केलेली दिसते आहे.

श्रीदेवी चा चेहेरा तरूणपणी प्लास्टिक दिसायचा , ह्यात बोटॉक्स् मुळे तिला जबडा हलवणंही मुश्कील होत असल्यासार खं वाटलं ..

हो जबड्याच्या हालचाली काहीतरी विचित्र वाटल्या ख-या.

amazing movie..i just loved the way Shree has made her comeback. she looks simply superb and carries her soooooooo well.. 10000 +++ for DJ's post. I always loved Shree (YES More than Mrs. Nene).. and Shree rocks here! ...