Name: मिसळम पाकम गट्टम गट्टम्!-किरमीजी गुलाबजाम -गोड प्रसाद-मायबोली आय डी-सुलेखा..
Cook time: ३० मिनिटे
Yield: या प्रमाणात ७ ते ८ गुलाबजाम तयार होतात.
Ingredients: कलकत्ता [बंगाल]व गोहाती [आसाम] च्या सुदूर भागात मावा/खवा ताजा; विश्वसनीय तसेच नेहमी किंवा आपल्याला हवा तेव्हा मिळणे अशक्यप्राय पण छेना व त्यापासुन केलेले रसगुल्ले-संदेश-राजभोग -छेना परवल अशा असंख्य मिठाया मिळ्तील ..आपणही बाजारातुन तयार खवा आणण्याआधी शुद्धतेचा; ताजेपणाचा विचार करतोच्.अशा वेळी "किरमीजी गुलाबजाम" चा प्रसाद मनाला सुखावुन जातो. त्यासाठी लागणारे प्रमाण साहित्य असे आहे. आतील सारण तयार करण्यासाठी-- १ लहान आकाराचे सफरचंद; १ टेबल्स्पून साखर; १ टीस्पुन दालचिनी पुड; बाह्य-आवरण तयार करण्यासाठी-२ टेबल्स्पून तांदुळाचे पिठ; १ मध्यम आकाराचा उकडलेला बटाटा; १ टेबल्स्पुन डेसिकेटेड कोकोनट; २ टेबलस्पून मिल्क पावडर; १ टेबलस्पून पिठीसाखर; १ टीस्पुन वेलची-जायफळ पुड; १ टेबलस्पून कॉर्न फ्लोअर; २ टेबल्स्पून काजुचे लहान-लहान तुकडे; चिमुटभर बेकिंग पावडर; तळण्यासाठी पाउण वाटी साजुक तूप; सारण व मिश्रण तयार आहे ..

Submitted by सुलेखा on 24 September, 2012 - 07:47

प्रत्यक्षात लागणारा वेळ:

३० मिनिटे

लागणारे जिन्नस:

कलकत्ता [बंगाल]व गोहाती [आसाम] च्या सुदूर भागात मावा/खवा ताजा ,विश्वसनीय तसेच नेहमी किंवा आपल्याला हवा तेव्हा मिळणे अशक्यप्राय पण छेना व त्यापासुन केलेले रसगुल्ले-संदेश-राजभोग -छेना परवल अशा असंख्य मिठाया मिळ्तील ..आपणही बाजारातुन तयार खवा आणण्याआधी शुद्धतेचा,ताजेपणाचा विचार करतोच्.अशा वेळी "किरमीजी गुलाबजाम" चा प्रसाद मनाला सुखावुन जातो.
त्यासाठी लागणारे प्रमाण साहित्य असे आहे.
goad apup-1.JPG
आतील सारण तयार करण्यासाठी--
१ लहान आकाराचे सफरचंद,
१ टेबल्स्पून साखर,
१ टीस्पुन दालचिनी पुड,

बाह्य-आवरण तयार करण्यासाठी-२ टेबल्स्पून तांदुळाचे पिठ ,
१ मध्यम आकाराचा उकडलेला बटाटा,
१ टेबल्स्पुन डेसिकेटेड कोकोनट,
२ टेबलस्पून मिल्क पावडर,
१ टेबलस्पून पिठीसाखर,
१ टीस्पुन वेलची-जायफळ पुड,
१ टेबलस्पून कॉर्न फ्लोअर,
२ टेबल्स्पून काजुचे लहान-लहान तुकडे,
चिमुटभर बेकिंग पावडर,
तळण्यासाठी पाउण वाटी साजुक तूप,
सारण व मिश्रण तयार आहे ..
god apup-2.JPG

क्रमवार पाककृती:

१]सफरचंद सालासकट किसणीवर किसुन घ्या.
२]एका लहान पॅन /कढईत १ टेबलस्पून साखरेचे कॅरेमल करा.
त्यासाठी कढई गॅसवर ठेवुन त्यात साखर घालुन पाणी न घालता मंद गॅसवर सतत चमच्याने ढवळत पाक करायचा आहे.साखर पूर्ण विरघळली कि किरमीजी रंग येईल.
३]या कॅरेमल मधे सफरचंदाचा किस घालुन परता.दालचिनी पूड व अर्धा टेबलस्पून काजु तुकडे घालुन त्यातील पाण्याचा अंश जाईपर्यंत परता.मिश्रण घट्ट्सर झाले कि सारण तयार झाले. आता हे सारण एका वाटीत काढुन ठेवा..
४]बटाट्याचे साल काढुन , बटाटा किसा.
५]त्यात तांदुळाची पिठी,डेसिकेटेड कोकोनट,मिल्क पावडर ,पिठीसाखर ,वेलची-जायफळ पुड व चिमुटभर बेकिंग पावडर घालुन एकत्र मळुन घ्या.
६]या मिश्र गोळ्याचे लहान लहान समान गोळे करा.
तितकेच गोळे वर केलेल्या सारणाचे ही करा् हे गोळे करताना तळ हाताला थोडेसे तूप /मिश्रण सैलसर वाटत असेल तर कॉर्न फ्लोर लावुन घ्या. म्हणजे हाताला चिकटणार नाही.
७] कढईत मंद आचेवर तूप तापायला ठेवा.
८] मिश्र गोळ्याला वाटीचा आकार देवुन त्यात काजु तुकडे पसरवुन नंतर त्यात सफरचंदाच्या सारणाचा लहान गोळा ठेवुन पुन्हा गोलाकार करा.वरुन ४-५ काजुतुकडे लावा आणि हा गोळा बाहेरुन कॉर्न फ्लोर मधे घोळवुन पुन्हा छान गोलाकार आकार द्या .असे सर्व गोळे करुन घ्या.
९] कढईतील तूपात मंद आचेवर किरमीजी रंगावर तळा.झार्‍याने सतत बाजु पलटवत रहावे.अगदी मंद आचेवरच तळायचे आहेत..तरच ते आतपर्यंत तळले जातील..तसेच वरील पारी जास्त जाड करु नये.
१०]"किरमीजी गुलाबजाम" बाप्पाच्या प्रसादासाठी तयार आहेंत.
god apup -3.JPG
.............................................." गणपती बाप्पा मोरया" "मंगलमुर्ती मोरया"..............................................

वाढणी/प्रमाण:

या प्रमाणात ७ ते ८ गुलाबजाम तयार होतात.

अधिक टिपा:

पिठीसाखरेचे प्रमाण जास्त गोड हवे असल्यास वाढवता येईल..वरील प्रमाणात पुरेसा गोडवा जाणवतो.
सफरचंदाची दालचिनीयुक्त कॅर्रेमलाइज चव तसेच वरच्या आवरणातील वेलची-जायफळ चव खुपच छान लागते.त्यातील खोबरे व मिल्कपावडरची ही चव जाणवते.
कढईत घातल्यावर फुटत नाहीत त्यामुळे बिघडण्याचे चान्सेस अजिबात नाहीत.
तळताना तूप फार लागत नाही .त्यामुळे तूपकट लागत नाही.

माहितीचा स्रोत:

स्व-प्रयोग..

आहार:

शाकाहारी

पाककृती प्रकार:

गोड पदार्थ

शब्दखुणा:

मिसळम् पाकम् गट्टम् गट्टम्! - (पाककृती स्पर्धा)

मायबोली गणेशोत्सव २०१२.

Groups audience:

मायबोली गणेशोत्सव २०१२

Group content visibility: