कहाणी

Submitted by दाद on 9 August, 2012 - 00:37

प्रत्येक कहाणी स्वप्नासारखी,
कुठेतरी सुरू व्हायची अन कुठेतरी संपायचीच!

डोळ्यात सुरू होऊन कवितेत
किंवा कवितेत सुरू होऊन डोळ्यात!

पण स्वप्नं काचेचीच शेवटी, राजा
डोळ्यांना काय, कवितेला काय
.......फुटली की खुपतातच!

-- शलाका

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

सुंदर ! अगदी नेमक्या आणि मोजक्या शब्दात पोहोचलं सगळं.

(सध्या कविता वाचायचं बंद करूनही तुमचं नाव दिसल्यावर न राहवून उघडली....आणि खूप दिवसांनी छान कविता वाचल्याचं समाधान मिळालं :))

Submitted by रुणुझुणू on 9 August, 2012 - 01:05

धन्यवाद... (रुणुझुणू Happy )
अमेलिया, खरय... कहाणी खरतर संपते ह्याला संदर्भ असतो... कुठेतरी, कुणासाठीतरी, कधीतरी. त्या संदर्भाविना कहाणी चालूच की. माझ्यासाठी संपलीतरी जगासाठी कदाचित अजूनही चालूच.

Submitted by दाद on 9 August, 2012 - 01:35

किंवा कवितेत सुरू होऊन डोळ्यात!<<< ही ओळ फार सुंदर वाटली

अमेलियांचा प्रश्नही दिलचस्प वाटला

Submitted by बेफ़िकीर on 9 August, 2012 - 01:36

छानच.

Submitted by जागू-प्राजक्ता-... on 9 August, 2012 - 02:02

छान विचार मांडलाय..... पण नेमकी 'गोंदवण' आताच वाचल्याने अकारण तुलना होऊन ही रचना दोन नं वर गेली (माझ्या मनात)....

Submitted by पुरंदरे शशांक on 9 August, 2012 - 02:27

स्वप्नांचं तुटणं, ती अर्ध्यात मोडणं ,त्यांच विखूरणं ऐकलयं, !
स्वप्न फुटणे हा प्रयोग पहिल्यांदा वाचलाय Happy चू भू दे घे
आशय आवडलाच, दाद

Submitted by बागेश्री on 9 August, 2012 - 02:58

ह्या कवितेतली "स्वप्नं काचेचीच"... म्हणून'च' फुटणं.
काचतरी काय भंगच पावते... अगदीच मोठा आघात असेल तर मग विखुरतेही... स्वप्नासारखीच.
पुन्हा एकदा आभार, सगळ्यांचे

Submitted by दाद on 9 August, 2012 - 04:17

छान आशय. कविता आवडली.
शेवटच्या ३ ओळी खास.
----------------------------------------------------------------------
प्रथम मीदेखील फुटणं शब्दाबद्दल साशंक होतो.
पण, फुटणं हे क्रीयापद काचेकरता वापरलं गेल्याचं
ध्यानात आलं आणि शब्दार्थाकडून परत आशयाकडे
खेचला गेलो.

Submitted by UlhasBhide on 9 August, 2012 - 05:01

गुलजारांच्या

काँच के ख्वाब है, आँखों में चुभ जायेंगे
पलकों में लेना इन्हें, आँखों में रुत जायेंगे

या ओळी आठवल्या एकदम !

डोळ्यात सुरू होऊन कवितेत
किंवा कवितेत सुरू होऊन डोळ्यात! << सह्ही ! सह्ही ! सह्ही !

Submitted by A M I T on 9 August, 2012 - 05:07

डोळ्यात सुरू होऊन कवितेत
किंवा कवितेत सुरू होऊन डोळ्यात! >>>

आहाहा! क्या बात!

Submitted by नानुभाऊ on 10 August, 2012 - 04:29

डोळ्यात सुरू होऊन कवितेत
किंवा कवितेत सुरू होऊन डोळ्यात!
>>>

आहाहा!
क्या बात!
Hats off!

Submitted by रीया on 10 August, 2012 - 08:47