कोकम फळाचे /रातांबे [आमसुल]सरबत.

या दिवसात रातांबे तयार झाले असतील ना, त्याची आठवण झाली.
पुर्वी कोकणात घरोघर असे सरबत तयार करत असत. ताजे रातांबे मिळाले तर रंगही सुंदर येतो.

फोडी करतानाच मधल्या बिया काढुन घ्याव्या.>>>>> आणि न चावता मीठ लावून चोखाव्यात मस्त लागतात

मस्त. कोकम सरबत पहिल्यांदा जेव्हा बनवल त्यावेळी मी तर सत्यानाशच केलेला या रेसेपीचा आणि कोकमांचा. छान बिया वगैरे काढुन भरपुर साखर भरुन उन्हात ठेवलेल. आणि मी आणि भावंड रोज अपेक्षेने बाघायचो आता रंग बदलेल आता रंग बदलेल. पण तेव्हा कोणाला माहित बियांमध्येच खरा स्वाद असतो. मग आज्जीने सांगितल काय चुकल ते. फेकुन दिल सगळ. वर आज्जी म्हणे पहिल्या वेळेला चुकलीस ना, आता आयुष्यभर लक्षात राहील.

सुलेखा किती उद्योगी आहेस गं तू.. काय काय करत राहतेस.. कौतुक!!!

व्वा! मस्तच. कोकण ट्रिप झाली की हा उद्योग दरवर्षी असतोच. यंदा बहुतेक कुणी तरी रातांबे आणून देतील.
पण तू उसगावात ना? तिकडे मिळतात रातांबे?
आणि या सरबताला हिरवी मिरची अलगद ठेचून लावतात. काय मस्त चव येते. अगदी हलकासा झटका.
२ वर्षापूर्वी कोकणातच एकांकडे असं कोकम सरबत प्यायले होते.

>>कोकणात घरोघर असे सरबत तयार करत असत>> हो खरंच. कोकणातलीच आठवण झाली.
मस्त रेसिपी, फोटो.

उन्हाळय़ात पित्तकारी पदार्थ जास्त खाल्ल्याने अंगावर पित्ताच्या गाठी येतात. त्या गाठींवर ताजा आमसुलाचा रस करून चोळल्यास आणि आमसुलाचं सरबत करून प्यायल्यास गाठी कमी होऊन त्वचा पूर्ववत होते. (माहिती जालावरुन साभार)

सुलेखा,मस्त!! सरबताचा रंग सुरेख आला आहे
पण घरात आमसूल असेल तर सरबत करता येते का?ते कसे करतात?

रेसिपीसाठी धन्यवाद.

पूर्वा, आमसुलं पाण्यात कोळून घे. मग त्यात चवीनुसार साखर, जिरेपूड घाल. सहसा आमसुलांना टिकवण्यासाठी मीठ लावलेलं असतं, तेव्हा ते चव बघून लागलं तरच घाल. पाणीसुद्धा चवीनुसार घाल असं म्हणेन.

धन्यवाद स्वाती,करुन बघेन

आमच्या घरी आमसुलाची चटणी फक्त श्राद्धाला करतात.. इतर वेळेला मागितले तर दणके मिळतील. ( हिंदु धर्म की जय! )

वॉव! सुलेखा सरबत न पिताच गारेगार वाटलं एकदम.

सह्हीच! कोकणातुन येताना नेहमी आणायचो रातांबे आणि घरी येताच आई त्यांचे असे सरबत करायची. मला ते रातांबे मुरेपर्यंत अजिब्बात धीर नसायचा मग हळुच बरणीतून एक-दोन रातांबे लम्पास करायचे

देशातुन येताना आगळ आणते नाहीतर आता इथे क्रॅनबेरी ज्युस मधे जीरेपूड घालुन पिते....

सुलेखा छान झालय सरबत. लगे रहो.

मी मागील वर्षी केल होत. ह्या वर्षी कोकमेच नाही मिळाली.
http://www.maayboli.com/node/25634

मी मागील वर्षी केल होत. ह्या वर्षी कोकमेच नाही मिळाली.> मला पण...नाही मिळाली

मी अगदी हिच रेसिपी लिहिण्या साठी आले होते आज.

केदार्,बिया काढुन एक फुलपात्र भर पाण्यात टाकुन त्याचा सर्व गर काढुन घ्यावा.त्यात जिरेपुड्,मीठ व पिठीसाखर घालुन लागेल तसे थंड पाणी घालावे.लगेच पिण्यासाठी सरबत तयार ..यात रंग थोडा कमी असतो पण चव मात्र छान असते. >> आम्ही त्याला कोकमाचं पन्हं म्हणतो.

कोकमाचा कुठलाच भाग वाया जात नाही बिया सोडल्यास.. गराचे मस्त पन्ह, रसाचे सरबत आणि साल परत सुकवून गोडामसुले!

मला एक शंका आहे.. उन्हात ठेवायला जमले नाही तर खराब नाही ना होणार सरबत ? सध्या ऑफिसमुळे रोज उन दाखवणे जमत नाहीये

आज ८ दिवस झाले म्हणून करुन पाहिले थोडे सरबत

बिया ही नाही वाया जात कोकम तेल त्यापासून च बनतं न????

कोकमाच्या बिया या तेल बिया असून कोकणी शेतकर्‍यासाठी पैसे कमवून देणारे पीक आहे...
मला वाटतं की घरगुती वापरात १०/२० रातांबे वापरल्याने त्याच्या बीया काय करणार / कुठे विकणार ? म्हणुन वाया जातात..

मस्त, रंग बघूनच तोंडाला पाणी सुटते. पित्ताचा त्रास असेल तर कोकम सरबत हे अमृतासमान.
मी त्यावरच जगतो. आगूळ देखील घरात ठेवतोच.
आजारातही तोंडाला चव नसेल तर लिंकोमीसा सरबत बनवतो. लिंबू कोकम मीठ साखर साधेसेच घटक पदार्थ. पण बनवायची पद्धत कोकम उकळून, लिंबू साखर जाळून वगैरे..

पूर्वी आमटीत घालत होते

आता आजकाल कुणी वापरत नाही

इतका वेळ लेख दिसत होता पण ऋन्म्याचा प्रतिसाद बघितला आणि हे कॉकटेल मध्ये छान लागेल हा साक्षात्कार झाला.

आता आजकाल कुणी वापरत नाही..... आं,कोणी सांगितले?

सोलकढी,काही आमट्या ,पिठले यात जरूर वापरतो.आगळापेक्षा सोलांची चव सोलकढीत जास्त चांगली लागते.

आमच्या गावात मिळत नाही तर आमसुलांसाठी मुद्दाम टोरांटोची दुकानं पालथी घालतो दर ट्रिपला.
सोलकढी, सार, पिठलं, आमटी यात आमसुलाशिवाय मजाच नाही.

सोलकढी, सार, पिठलं, आमटी यात आमसुलाशिवाय मजाच नाही. <<< खरं आहे.
मासे पण आम्ही कोकमाच्या आगळात करतो...:)

तरी प्रमाण कमी झाले आहे

अमाहाराष्ट्री किराणा मालाच्या दुकानात आमसूल , मेतकूट विचारले की त्यांना ते आधी म्हणायला शिकवण्यात 2 मिनिटे जातात, मग हरवलेल्या व्यक्तीसारखे रंग गव्हाळ , लांबी रुंदी, गोल , पावडर , चव इ सांगावे लागते.

सरबताच्या दुकानात मात्र उलट प्रकार असतो, तिथले भैय्ये कोकम सरबत मागितले की ये आयुर्वेदिक पौधे से बनता है इ सांगत बसतात.