आयपीएल - ५ (२०१२)

रहाणे - काय मस्त खेळला आज ! नाबाद १०३ ! ६० चेंडूत !! सिक्सर मारून शेवटच्या षटकात शतक. ओवाईस शाह २६ चेंडूत ६० ! आरआर १९५-२. द्रविड खूष असेलच.

"We don't over-complicate things, neither have long meetings and practice sessions. We do things with intensity,">>> हे खरे म्हणजे तो व चॅपेल होते तेव्हा जे करत होते त्याच्या उलटे आहे. त्यामुळे मग आता द्रविड कप्तान म्हणून नक्की कसा आहे याबद्दल शंका येते. हा खरा अवतार असेल तर चांगलेच आहे, पण म्हणजे मग चॅपेल च्या प्रभावाखाली तो वेगळेच काही करायला बघत होता असे वाटेल. आठवते का - Systems, processes, results ई? प्रत्येक मॅच नंतर तो निकाल कोणत्यातरी Abstract स्वरूपात विश्लेषण करून सांगणे वगैरे?

<< हा खरा अवतार असेल तर चांगलेच आहे, >> 'खेळाचा आनंद' हा कुठल्याही स्तरावरच्या खेळाचा आणि प्रत्येक खेळाडुच्या सहभागाचा गाभा असला पाहिजे; डांवपेंच, विश्लेषण इ.इ. सारं कांही महत्वाचं असलं तरीही दुय्यम, हें आपलं माझं वैयक्तीक मत. चॅपेल गुरूजीनी ह्या गाभ्यावरच घाव घातला होता. म्हणूनच खेळाडू ओव्या न म्हणतां जातं ओढल्यासारखे त्यावेळी खेळत असावेत. द्रविडला जर हें आतां उमगलं असेल, तर तो प्रेरणादायी नेतृत्व करेल, हें नि:संशय; कारण मुळातच तो एक सच्चा खेळाडू व माणूस आहेच !

सचिन आज तरी खेळणार आहे का नाही? पोलार्ड, रहाणे, शाह इ. मंडळी खोर्‍याने धावा करत असताना सचिन तंबूत नुसता बसून असल्याचे पाहवत नाही.

सचिन नाहीच खेळत आज ! मुंबई ७-२ [४ षटकांत !]

मुं.इं. ८०-८ !!! चला, झोपायला जातों !!!

मुम्बई इंडियन्स वजा सचिन = O

त्या जेकब्ज आणि लेव्हीला फिरकी गोलंदाजी अजिबातच खेळता येत नाही. आज जेकब्जने १० चेंडूत O आणि लेव्हीने ४ चेंडूत १ धाव केली. सचिन नसल्यामुळे मुम्बईला चांगली सुरूवात मिळतच नाहीय्ये. मुम्बईकडे मागच्या वर्षापर्यंत चांगला यष्टीरक्षक नव्हता. या वर्षी यष्टीरक्षक आहे पण आघाडीची जोडी बेकार आहे.

सचिनबाबा,

लवकर बरा हो आणि खेळायला सुरूवात कर.

अरेच्चा, आजची राजस्थान वि. डेक्कन कोण बघत नाहीय ? डेक्कनने १९६ केलेत व राजस्थान १३ षटकात ११९-२ ! द्रविड २४ चेंडूंत ४२ करून बाद; रहाणे ३० चेंडूत ४२ करून खेळतोय !! सामना रंगणारसं दिसतंय.

What a match !!! २चेंडू व ५ गडी राखून आरआर विजयी ! राहुले रचिला पाया, हॉज झालासे कळस !!!
ब्रॅड हॉज २१चेंडूत नाबाद ४८ [ १९व्या षटकात वाईड लाँग ऑफला अफलातून षटकार !]. अर्थात राहाणे [३१ चेंडूत ४४] व शेवटच्या षटकात याज्ञिक यांचा महत्वाचा हातभार. द्रविडला असा खूष पहाणं हाही एक आनंद !!

पुणे वॉरिअर्स खरंच अटकेपार झेंडा लावायला निघालेत कीं काय ! १८२ -६ .

अररा शेवटच्या ओव्हरमधे २४ रन्स, पुणे वारियर हारली ...........

शेवटच्या चेंडूवर पुणे हरले ! शर्माचे ते षटक घातक ठरले !!
शुभरात्री.

डिंडाला शेवटच्या षटकासाठी राखून ठेवायचं सोडून दादाला शेवटचे षटक नेहरूला का द्यावेसे वाटले? नेहरूने अत्यंत घाण चेंडू टाकून सामना घालवला.

डेक्कनच्या स्टेनने सुद्धा घाण गोलंदाजी करून मॅच घालविली.

नेहरा जरी आपली नेहमीची छबी घेऊनच या स्पर्धेत आला असला तरीही पूण्याच्या अपयशाचं श्रेय पूर्णतः त्याला देणं, किंवा कोणत्याही गोलंदाजाला देणं, टी-२० फॉरमॅटमधे योग्य नसावं. 'जिंकू किंवा मरूं' या परिस्थितीत टी-२०मधे फलंदाज इतके अनपेक्षित, अतर्क्य व अशक्य फटके मारतात कीं नीट बसले नाहीत तरी चेंडू सीमापार जातो. ब्रॅड हॉजने परवां १९व्या षटकांत त्याची बॅट पोहोचूं शकत नव्हती इतका ऑफ स्टंपबाहेरचा चेंडू ओणवा राहून, दांडपट्टा फिरवतात तशी बॅट फिरवत वाईड मिडॉफला हवेतून सीमापार धाडला ! पूर्वी 'यॉर्कर' हें फलंदाजाना रोखण्याचं प्रभावी अस्त्र होतं पण आतां फलंदाज त्याचाही 'फुलटॉस' बनवून टोलवतात ! In T-20, the spell of last two overs has become a really difficult mind-game with batsmen holding most of the trump cards !
[ मी पण टी-२० मुळे हल्ली तंत्रशून्य असे आडवे-तिडवे फटके मारायला लागलोय, हें लक्षात आलं असेलच ! ]

माझ्या स्कीन वर २३५ नवीन अस दिसल आनि वाटल चला आता या धाग्यावर जाऊच या....:)
मी ही पुणे ला सपोर्ट करते...
आनि मुबंई vs दुसर कोणी असेल तर मुबंई ला
कालची मॅच माझी किचन टु हॉल अशी पळत पळत झाली......
मस्त मॅच...गेल चे फटके आनि मी माझ्या भाऊचे आवाज ह्यामुळे बाजुचे वैतागले

>>मुळात २००७च्या विश्वचषकापर्यंत जे काही होत होते ते बरेचसे चांगलेच हो>>
तीव्र आक्षेप
चॅपेल आणि किरण मोरे ने मिळुन दादाची कारकीर्द संपवली आणि द्रवीड-सचिनने या सगळ्याला अजिबात विरोध केला नाही.... सुंठीवाचून खोकला गेला असच म्हणाले असतील ते.
पण दादा इज बॅक. अजुन त्याच्या धावा होत नाहीत पण त्याच्या कुशल नेतृत्वाखाली पुणे जिंकतय ना!
काल मात्र त्या नेहराने घाण केली

<< सुंठीवाचून खोकला गेला असच म्हणाले असतील ते. >> म्हणजे त्यानाही तो खोकल्यासारखा त्रासदायक वाटतच होता, असंही असूं शकेल ! व्यक्तीशः, मला गांगुली फलंदाज म्हणून खूपच आवडायचा पण कप्तान म्हणून मात्र तितकासा नाही ; त्याचा आक्रमकपणा कांहीसा दिखाऊपणाचा व बराचसा चिडखोरपणाचा वाटायचा, निदान मला तरी. अर्थात, प्रत्यक्षात तो तसा होता का, हें त्याच्या संघात खेळलेलेच सांगू शकतील. त्याच्या कारकिर्दीत भारताची कामगिरी चांगलीच होत होती , हें मात्र निर्विवाद व तें श्रेय कुणीही त्याच्यापासून हिरावून घेऊं शकणार नाही.

चेन्नई सुपर किंग्ज - १६४-५. आज बद्रिनाथ व ड्यू प्लेस्सी यानी अप्रतिम फलंदाजी केली. प्लेस्सीच पदलालित्य पहाण्यासारखं होतं. बघूं दादाचा संघ कसं प्रत्युत्तर देतो तें !