बटाट्याचा मसालेदार रस्सा ( खानदेशी स्टाईल)

१. बटाटे उकडुन साले काढावेत व त्यांना टोचे मारुन घ्यावेत
२. हे बटाटे तेलात सोनेरी होइ पर्यंत तळुन बाजुला ठेवावेत, तळल्यावर टीश्यु पेपर वर काढावेत म्हणजे तेल नीथळुन जाईल.
३. आता कांदे चीरुन ( मोठ्या फोडी) मीक्सर मधुन वाटुन घ्यावेत
४. एका कढई मध्ये तेल तापवुन, त्यात मीरी, दाल्चीनी, लवंग तमाल पत्र, घालुन चांगले परतुन घ्यावे ( आच मंद ठेवावी)
५. आता लसुण पाकळ्या ठेचुन ह्यात घालाव्यात
६. वाटलेला कांदा ह्यात घालुन चांगला परतुन घ्यावा.
७. कांदा सोनेरी रंगावर छान तेल सुटे पर्यंत परतावा.
८. आता ह्यात थोडे पाणी घालावे. जरा उकळु द्यावे.
९. आता तळलेल्या बटाट्यांना ह्यात सोडावे
१०. आता गरम मसाला, मीठ, तिखट घालावे
११. मंद आचे वर मस्त उकळी येवु द्यावी
१२. पोळी किंवा परोठ्या बरोबर मटकवावा.