अटलांटा आणि आसपास २ : "पटेल" स्पॉट्स (नवीन फोटोंसह)

अय्या मीच पहिली का?

कोक फॅक्टरीची फिल्म मी नॅशनल जिऑग्राफिक वर बघितली. तेव्हाच ऑटोमेशनच्या करामतीने फार इंप्रेस झाले होते. कोकचे ब्रँडिंग अभ्यास करण्यासारखे आहे. फॅक्टरी खरेच बघण्यासारखी असणार.

तो सुप्रसिद्ध जिना मला वाटायचे इमारतीत आत आहे पण तो तर बाहेर आहे. फूड कोर्टला लवकर जायला बरे.

बाकी स्पॉट्स पण छान वाट्त आहेत, खास करून मुले व फॅमिली गॅदरिंग साठी. मस्त सफर झाली.

मस्त माहिती वाचायला मिळाली पराग.

फक्त ते 'पटेल स्पॉट्स' का म्हणतो आहेस ते कळलं नाही.

धन्यवाद अश्विनीमामी आणि मंजूडी...

अश्विनीमामी, तो जीना आतच आहे बिल्डींगच्या साधारण मध्यभागी.. तळ मजला ते पाचवा मजला... आणि त्या जीन्यावरून फूडकोर्टवर जाता नाही येणार कारण तो फूडकोर्ट मधून वर जातो. त्यावरून खाली नाही येता येत..

कोकचे ब्रँडिंग अभ्यास करण्यासारखे आहे. >>>> नक्कीच ! इथल्या बिझनेस स्कूल्समध्ये केस स्टडी असतो कोकबद्दल..

मंजू.. ही टर्म मला पण इथे आल्यावरच कळली. इथे खूप गुज्जू लोकं आहेत.. साधारण प्रत्येक शहरातल्या टीकमार्क प्लेसेसना सगळे गुज्जूभाई जमून फोटो काढत असतात... त्यामुळे अश्या जागांना पटेल स्पॉट्स म्हणतात.. कारण तिथे मोठ्या संख्येने पटेल्स सापडू शकतात...

सहीच!!
हा पटेल स्पॉटचा फंडा मला माहित नव्हता

कोका कोला म्युझियम मस्तच आहे. तिथे ते वेगवेगळ्या देशातले कोक प्यायला टेस्ट करायला देत ते भारी आहे.
पराग , धाग्याच नाव बदल रे.

मस्तच.
सीएनएन मधली न्यूज ब्रॉडकास्टिंगची प्रक्रिया बघायला खरंच इंटरेस्टींग वाटत असेल.
मंदिराचा शेवटचा फोटो खूप छान आलाय.

वलसाडला (बलसाड) अगदी ऐन समुद्रकिनार्‍यावर असंच स्वामीनारायण मंदीर आहे. फारच सुंदर आहे. सूर्यास्ताच्या वेळेस मंदिराच्या लालसर दगडावर सूर्याचं केशरी ऊन ही रंगसंगती अप्रतिम दिसते.

पटेल स्पॉटस..
एका पटेलकडूनच ऐकलं होतं हे.
अथेन्समधे राहूनही केवळ कोक म्युझियम आणि स्टोन माउंटन एवढंच बघितलंय. बाकीचं राह्यलंच.
स्टोन माउंटनचे फोटो असतील माझ्याकडे. पण ते ११ वर्षापूर्वीचे. त्यामुळे हार्ड कॉपी. पुण्यात असतील बहुतेक. गेले की शोधून, स्कॅन करून टाकते. केबल कार मधून त्या ग्रॅनाइटमधे कोरलेल्या शिल्पांच्या बरच जवळ नेतात. मस्त दिसतं. आणि तू म्हणल्याप्रमाणे वरती गेल्यावर आजूबाजूचं अ‍ॅटलाणा (हा टायपो नव्हे! ) पण सही दिसतं. मी फॉलमधेच गेले होते.
लेझर शोला पण मजा येते.

हा धागा बघून जुन्या आठवणी जागृत झाल्या. १९९५-१९९८ या काळात मी अ‍ॅटलांटाच्या रोझवेल नावाच्या उपनगरात रहात होतो. वर उल्लेख केलेल्यांपैकी स्टोन माऊंटन, सेंटेनिअल ऑलिम्पिक पार्क ही २ ठिकाणे व इतर काही ठिकाणे पाहिली आहेत. १९९६ साली अ‍ॅटलांटात ऑलिम्पिक स्पर्धा झाल्या होत्या. भारत-पाकिस्तान व स्पेन्-अमेरिका हे २ हॉकीचे सामने बघून रात्री १०:३० च्या सुमाराला परत येताना वाटेत सेंटेनिअल पार्क लागले. खूप उशीर झाल्याने नंतर भेट देऊ असा विचार करून पार्कला भेट न देताच आम्ही (एकूण १० जण) घरी परत आलो. त्याच पार्कमध्ये अर्ध्या तासाने अंदाजे ११ च्या सुमाराला बॉम्बस्फोट झाल्याचे दुसर्‍या दिवशी सकाळीच समजले. त्यात २ व्यक्तींचा मृत्यु झाला होता व इतर काहीजण जखमी झाले होते. कदाचित हॉकीचे सामने पाहून परत येताना पार्कला भेट न देण्याची देवानेच सुबुद्धी दिली असणार. स्फोटानंतर ४ दिवस पार्क बंद होती व नंतर परत उघडली. लगेचच आम्ही ती पाहून आलो.

>>> मंजू.. ही टर्म मला पण इथे आल्यावरच कळली. इथे खूप गुज्जू लोकं आहेत.. साधारण प्रत्येक शहरातल्या टीकमार्क प्लेसेसना सगळे गुज्जूभाई जमून फोटो काढत असतात... त्यामुळे अश्या जागांना पटेल स्पॉट्स म्हणतात.. कारण तिथे मोठ्या संख्येने पटेल्स सापडू शकतात...

पटेल स्पॉट्सचा अजून एक फंडा आहे. अमेरिकेत पूर्वी ३-६ महिने कामासाठी B1 व्हिसावर लोक जायचे. इतक्या कमी वेळात अमेरिकेतले जेवढे शक्य होईल तेवढे स्पॉट्स पाहणे आवश्यक होते. त्यामुळे सर्वजण आपल्या गावातली जवळपासची चांगली ठिकाणे बघण्यापेक्षा डिझ्निलँड, नायगरा, इ. जगप्रसिद्ध ठिकाणीच जायचे. त्यामागे असा उद्देश होता की भारतात परत गेल्यावर आपण काय भारी ठिकाणे पाहून आलो ते सांगावे व त्यायोगे आपले इतरांत वजन वाढावे. थोडक्यात मुलींना इम्प्रेस करण्यासाठी, मी स्टोन माऊंटन पाहून आलो किंवा झू पाहून आलो हे सांगण्यापेक्षा, मी नायगरा पाहिला, डिझ्निलँड बघितले असे सांगितल्यावर मुली पटण्याची/इम्प्रेस होण्याची जास्त शक्यता आहे अशी समजूत होती. थोडक्यात या जगप्रसिद्ध ठिकाणांची "पटेल" व्हॅल्यू जास्त होती. म्हणून हे "पटेल" स्पॉट्स.

पूर्वा, सीमा, ललिता धन्यवाद.

नी.. फोटो अगदी नक्की टाक..

मास्तुरे.. रॉझवेल म्हण्जे तुम्ही तर अगदी जवळचे निघालात की ! ऑलिंपीक पाहिलं आहे म्हणजे ग्रेटच!

अरे वा कुणी आमंत्रण देइल आणि रहाण्याची सोय करेल तर आम्ही येऊ बर्का अटलांटा बघायला

मस्त जमलाय लेख
पटेलस्पॉट बद्दल मलाहि माहित नव्हतं.

पराग,

तुम्ही अ‍ॅटलांटातल्या कोणत्या गावात राहता? मी रॉझवेलमध्ये हेमिंग्वे लेन इथे राहत होतो (४०० फ्रीवेच्या एक्झिट ७ च्या जवळ) व अ‍ॅल्फारेटामध्ये ए टी अ‍ॅण्ड टी मध्ये काम करत होतो. काही दिवस मी ए टी अ‍ॅण्ड टी च्या डाउनटाऊन मधल्या ऑफिसमध्ये पण जात होतो. तिथल्या मेरीएट्टा, स्मॅरना, नॉरक्रॉस, डुलुथ, सॅन्डी स्प्रिन्ग्ज अशा आजूबाजूच्या उपनगरातून अनेक मित्र राहत होते. त्यांच्याकडे अनेकवेळा जाणे व्हायचे. इतर भारतीयांप्रमाणे आम्ही अ‍ॅटलांटातली स्थानिक स्थळे बघण्यापेक्षा "पटेल" व्हॅल्यू असलेल्या ओरलँडो, स्मोकी माऊंटन्स, पनामा बीच अशाच ठिकाणांना जास्त वेळा जायचो.

हे स्वामीनारायण मंदीर नवीन झालेलं दिसंतय. मी होतो तेव्हा फक्त २ मंदिरे होती (डाऊनटाऊन ओलांडल्यावर असलेले वेंकटेश्वर बालाजीचे मंदीर व मेरीएट्टातील इंडिअन असोसिएशनचे कार्यालय आहे तिथे पण एक मंदीर आहे). माझ्या ओळखीचे बरेच जण अजून अ‍ॅटलांटा परिसरातच आहेत, पण आता त्यांच्याशी फारसा संपर्क राहिलेला नाही.

काल हा धागा बघून आम्ही (मी आणि सौ.) एकदम नॉस्टॅल्जिक झालो. आता जुने फोटो काढून पुन्हा एकदा जुन्या आठवणी जागृत करतो.

मस्त माहिती.

सिंडी.. तुम्हाला आता पत्रिका आणि अक्षताच पाठवायच्या राहिल्या आहेत फक्त !
मिनी, मामी धन्यवाद..

मास्तुरे... मी अल्फारेटात असतो. स्वामीनारायण मंदिर २००७ साली झालं.. आता ३/४ मंदिरं आहेत आसपास. मॅरिएटा परिसरात आमचं फारसं जाणं होतं नाही.. एकतर ओळखीचं कोणी रहात नाही आणि दूरपण आहे. पण त्या भागातली घरं फार भारी आहेत !! मी एकदा टेनीस खेळायला तिथल्या एका सबडीव्हीजनमध्ये गेलो होतो.. कोर्टचा रस्ता चुकलो आणि मग रस्ता शोधायचा सोडून घरचं बघत बसतो बराच वेळ.
ओरलँडो, स्मोकी हे दोन्ही भारी आहेत एकदम.. ! परत चक्कर मारा आता अटलांटाला.. आपण गटग करू..

अरे वा कुणी आमंत्रण देइल आणि रहाण्याची सोय करेल तर आम्ही येऊ बर्का अटलांटा बघायला >>> +१

पराग,

मेरिएटाप्रमाणे अ‍ॅल्फारेटसुद्धा महागडा परिसर समजला जातो. आता मी परत अटलांटाला येणे अशक्य आहे. मी आयटी क्षेत्र सोडून ३ वर्षे होऊन गेली. आता त्या क्षेत्रात परत जाणे किंवा नवीन जॉब घेऊन परदेशात जाणे शक्य वाटत नाही. असो. निमंत्रणाबद्दल धन्यवाद! जमल्यास १९९६ सालातले अटलांटाचे व ऑलिंपिकचे फोटो टाकीन. त्याऐवजी तुम्हीच पुण्याला या. तुम्ही आलात की आपण गटग करू.

मेरिएटाला एका 'पटेल' रूममेटचे घर होते. तिच्याबरोबर बर्‍याचदा तिच्या घरी जाऊन राह्यलो होतो. जलेबी अने फाफडा हादडलेले आहे तिच्या घरी थँक्सगिव्हिंगला..

अ‍ॅडमा : २००२ मध्ये महिनाभर मी अल्फारेट्टा मध्ये होतो. तेंव्हा सीएनएन सेंटर आणि कोक म्युझियम बघण्याचा योग आला होता. त्याच्या आठवणी जाग्या झाल्या ................

आधी प्रॉमिस केल्याप्रमाणे स्टोन माउंटनचे काही फोटो. २००० च्या फॉल सेमिस्टरमधे काढलेले आहेत. तेव्हा फिल्लमवाले क्यामेरे होते आणि फुकट/ अगदी स्वस्तात प्रोसेसिंग व डेवलपिंग करून देणार्‍या साइटस होत्या. त्यांच्या पोस्टेज पेड पाकिटात फोटु मारलेला रोल पाठवायचा त्यांना आणि मग ते लोक तो रोल डेव्हलप करून आपल्या ऑनलाइन अकाउंटात ते सगळे फोटो लोड करायचे आणि आपल्या फोटुंची हार्ड कॉपी, निगेटिव्ह्ज, सगळ्या फोटुंची कॉन्टॅक्ट शीट असं पाठवायचे. नंतर जास्तीची कॉपी ऑर्डर करायची तर पैसे पडायचे. प्लस देशात फोटो पाठवणे सोपे असायचे. लिंक पाठवली की झाले. स्नॅपफिश, ओफोटो अश्या होत्या काही सर्व्हिसेस. फुकट सर्व्हिसेसची त्यांची काही लिमिट असायची. ती संपली की मग पैसे द्यायला लागायचे. आम्ही फुकट ते पौष्टिकवाले ग्रॅड स्टुडंटस लिमिट संपली की नवीन अकाउंट उघडायचो. (१० रूपयाचा ड्रॉइंग पेपर $१० ला आणि २ रूपड्यांची पेन्सिल $२ ला मिळायची मग विद्यार्थ्यांनी फु ते पौ केले नाही तरच नवल!)
तर सांगायचा मुद्दा हा की अश्या प्रकारे त्या फोटुंची सॉफ्ट कॉपी मिळालेली असल्याने कदाचित तेवढे सुस्पष्ट नसतील फोटो. चालवून घ्या.
१. स्टोन माउंटनच्या डोस्क्यावरून अटलांटा शहर. फॉगमुळे धूसर दिसतेय.

२. स्टोन माउंटनच्या डोचक्यावर

३. स्टोन माउंटनमधले म्युरल. या संपूर्ण म्युरलचा आकार एका फुटबॉल स्टेडियमच्या एवढा आहे.

मेरिएटाप्रमाणे अ‍ॅल्फारेटसुद्धा महागडा परिसर समजला जातो. >>> खरय.. आता अल्फारेटामधून जॉन्सब्रीज फोडून वेगळं शहर केलं. अ‍ॅल्फारेटा आणि जॉन्सब्रीज मधली घरं पण फार भारी आहेत. उन्हाळ्यात दाट झाडीमधून आतल्या रस्त्यांवर ड्राईव्ह करायला मस्त वाटतं एकदम. जॉन्सब्रीजमध्ये गोल्फ कोर्सपण आहे मोठ. इथे पीजीए टुर्नामेंट झाली होती मध्यंतरी. आणि हल्ली अनेक भारतीयांनी स्वतःची घरे घेतली आहेत इथे. सबडीव्हीजन्सपण सही आहेत एकदम. एकंदरीत श्रीमंत शहरं झाली आहेत!
तुम्ही आलात की आपण गटग करू. >>> नक्की..

नीरजा.. धन्यवाद फोटो टाकल्याबद्दल!!! दुसर्‍या फोटोत साधारण कल्पना येते आहे स्टोनमाऊंटनच्या आकारची.
पहिल्या फोटोत दुरवर स्कायलाईन दिसते आहे.

मस्तय रे पराग तुमच्या इलाक्याची वळख.
आज वाचले.

बास का, धन्यवाद कसले ... आता अजून एक टाकतो. हा म्हणजे साध्या SLR नं फार पूर्वी काढला होता. ४०० ची फिल्म, ३-४ फोटोजपैकी १ चांगला येणार वगैरे अशी परिस्थिती असायची तेव्हा...

सूर्यास्त होताना कार्व्हिंग कसं सगळ्यात छान दिसेल या प्रयत्नात!

ब्रॉन्झ - कॉपर फील आलाय सूर्यास्तामुळे. मस्त

मस्त फोटुज !

http://www.rediff.com/news/report/indian-americans-in-atlanta-pick-up-gu...

हे काहीतरी नवीनच घडतंय. मी जवळपास ३ वर्षे रॉझ्वेलमध्ये होतो. तेव्हा ते एक शांत आणि सुरक्षित उपनगर होतं. आता काहीतरी बिघडलेलं दिसतंय.