जुन्या , नविन गाण्यांची ओळख....

रा.वन ची गाणी ऐकलीत....? प्रचंड वेगवान आहेत... बहुतेक विशाल-शेखर यांना तुम्हाला हवे ते करा असे बोलले गेले आहे...कारण प्रयोग फार केलेले आहेत या गाण्यांमधे... एक प्रकार चा इंटरनॅशनल लुक देण्याचा प्रयन्त केला गेला आहे...........

१) छम्मक छल्लो. = या गाण्यात इंटरनॅशनल गायक एकॉन ला चक्क हिंदी मधे गायला लावले आहे..काही बोल चुकलेले आहेत पण शब्द सोडले तर संगीत फार छान आहे
२) दिलदारा = हे एकमेव स्लो शांत गाणे या चित्रपटात आहे... शफाकत अमानत अली याने फार सुंदर रितीने गायले आहे.
३) क्रिमिनल = एकॉन चे अजुन एक हिंदी इग्लिश गाणे...यात विशाल आणि श्रुती पाठक यांनी साठ दिलेली आहे..हे सुध्दा वेगवान आणि इंटरनॅशनल पठडीचे गाणे आहे
४)भरे नैना = तुम्ही ठुमरी / क्लासिकल गाणे बाझ गिटार आणि ड्रम वर ऐकले आहेत का? .....हो चक्क क्लासिकल गाणे नंदनी च्या आवाजात आहे आणि त्याला बाझ गिटार ची साथ आहे..सतार ,विणा यांच्या जागी एक नविनच प्रयोग विशाल-शेखर यांनी केलेला आहे...त्याच बरोबर मधे मधे ड्रम्स चा सुध्दा वापर करुन गाणे वेगवान लयबध्द बनवले गेले आहे...
५) राईट बाय युअर साइड = सिद्द यांनी गायलेले सोलो गाणे आहे..टिपिकल हिंदी गाणे आहे..
६) रफ्तारे : विशाल वर अजुन ही आर. डी बर्मन चा पगडा आहे.. बर्मन यांच्या सारख्या आवाजात हे गाणे गायले गेले आहे.. वेगवान असुन ड्रम बिट्स तर अफलातुन आहेत..थीम म्युझिक यातुनच वापरण्यात आलेले आहे
७) जिया मोरा = एक अजुन प्रयोग..सुखविंदर सिंग च्या आवाजात क्लासिकल चीज या गाण्यात वापरली गेली आहे.. बाकी गाणे फक्त डिजे जसे प्रयोग करतात तसेच प्रयोग केले गेले आहे.. शब्द कमी संगीतच जास्त असा काही प्रकार आहे यात.. डिस्क डिजे टाईप छान वापर केला गेला आहे... ड्रम्स चे बिट प्रत्येक ठेक्याला वेगवेगळे वाजवले गेले आहेत..
८) ९) १०) मधे ३ वेगवेगळ्या थीम म्युझिक दिलेल्या आहेत...वेगळ्या आहेत जरा

जसे संगीत वेगवान दिलेले आहे तसा चित्रपट सुध्दा वेगवान असायला हवा.. अन्यथा शाहरुख चे १५० कोटी गेले समजायचे.....

हो........... रा.वन थ्रीडी आहे......थ्रीडीतच बघण्यात मजा आहे...
===================================================================
नमस्ते इंडीया....... नवीन अल्बम आहे...
राहुल शर्मा ( पंडीत शिवकुमार शर्मा यांचा मुलगा) आणि केनी जी ( जगविख्यात सेक्सोफोनवादक )
या दोघांनी मिळुन हा अल्बम आणला आहे.. फ्युजन प्रकार यात आहे...
ज्यांना फ्युजन हा प्रकार आवडतो त्यांच्यासाठी खास आहे... सेक्सोफोन आणि संतुर यांचे जुगल बंदी यात आहे..
संगीताबरोबरच गाणी सुध्दा आहे..

नक्कीच ऐका..क्लासिकल आणि आणि वेस्टर्न यांचा संगम...........

रॉकस्टार
ए आर रेहमान चे संगीत असणारा .....बराच प्रसिध्दीमधे असणार्‍या चित्रपटाची गाणी इतकी काही खास नाही आहे...... रॉकस्टार म्हणुन एकही गाणे नाही आहे जसे रॉक ऑन मधे होतीत......
साडा हक ऐथे रख..... हे एकच गाणे बंडखोर वृतीचे आहे... समाजा विरुध्द बंड पुकारलेला नायक.. अशी काही शी छबी या गाण्यातुन प्रकट होते.......
बाकीची यथातथाच आहेत.......
रेहमान टच ची कव्वाली कम गाणे एक आहे.. पण ते ही इतके भिडणारे नाही वाटले...
सगळी गाणी मोहीत चौहान च्या आवाजात आहे........ त्याचा आवाज स्लो शांत रॉमँटिक गाण्यातच शोभुन दिसतो..बाकी काही वेगळे करायला गेला तर आवाज वेगळाच वाटतो.......

डॉन २
बहुप्रतिक्षीत आणि चर्चीत चित्रपटाचे संगीत शंकर एहसान लॉय या त्रिकुटी ने दिलेले आहे..
यातल्या गाण्यात पहिल्या चित्रपटाच्या संगीताचा प्रभाव फार आहे.. थीम म्युझिकचे प्रत्येक गाण्यात भरपुर वापर केलेला आहे ( मधे मधे तो सुध्दा खटकतो ).. सबकुछ शाहरुख असल्याने आणि त्यातल्या त्यात तो व्हिलन स्वरुपातला असल्याने एक ही स्लो - रोमांटिक गाणे नाही आहे.. बरोबर आहे व्हिलन कसा झाडाभोवती फिरत फिरत गाणे म्हणणार..

१) जरा दिल को थाम लो - अनुशा मनी आणि विशाल यांच्या आवाजात हे गाणे आहे... पहिल्या चित्रपटातील (डॉन१) रात बाकी यावरुन घेतल्या सारखे वाटते...नविन आणि वेगवान संगीत या गाण्याचे वैशिष्टे म्हणावे लागेल..

२) दुश्मन मेरा - सुनिथा सरथ्ये आणि शंकर महादेवन यांनी गायलेल्या या गाण्यात जुगलबंदी आहे.. प्रश्नोत्तरे सारखे हे गाणे आहे... सालसा संगीत आणि त्यानुसार कांगोचा अप्रतिम वापर या गाण्यात केलेला आहे..

३) मुझको पहचान लो - के के च्या आवाजात जुन्या गाण्याचा नविन संगीत दिलेले आहे... छोटेखानी एंट्री साँग म्हणायला हरकत नाही..

४) है ये माया - उषा उथ्थप यांनी गायलेले गाणे शान चित्रपटातल्या टायटल साँग ची आठवण करुन देते..
सबकुछ उषा असेच या गाण्याचे वर्णन आहे..

धन्यवाद

इतरांनी सुध्दा द्यावी माहीती...........

मी एकटाच खरडत असतो

शेवटी अग्निपथ चित्रपटाचे संगीत आले...... अजय - अतुल या मराठी जोडीचे कौतुक......
करण जोहर च्या महत्वाकांक्षी चित्रपटाचे संगीत अप्रतिम असणारच... त्यात अजय-अतुल ने दिले आहे म्हणजे खासच.....

१) चिकणी चमेली :- मराठी लोकप्रिय गाणे ( कोंबडी पळाली) या चाली वरुन हे गाणे घेतले आहे.. आणि चक्क हे गाणे श्रेया घोशल ने म्हणाले आहे... ऐकताना बिलकुल वाटत नाही की हे गाणे तिने गायलेले आहे.. कारण अशी गाणी गाण्याचे पेटंट फक्त सुनिधी कडेच होते... पण श्रेया ने कुठे ही कमी पडु दिले नाही... जोरदार गाणे आणि दमदार आवाजा बरोबर दणके बाज संगीत.....

२) ओ सैयान :- सुफी बाज असलेले राहत फतेह अली खान यांच्या आवाजात हे गाणे आहे...शांत सुरवट.. जोडीला संतुर आणि सतार यांचा मेळ उत्तम बसवला गेला आहे... सुंदर रचना आहे...

३) गुन गुन गुनात :- गाण्याचे नाव ऐकल्यावर शांत सोज्ज्वळ वाटते पण नाही थांबा गाण्यापुढे गायिके चे नाव सुनिधी आहे...खास मराठी ठेका असलेले हे जोरदार गाणे आहे... संगीत ऐकल्यावर धांगडधिंगा घालुन नाचावेच वाटते... सर्व मराठी वाद्याचा आवर्जुन समाविष्ठ केले गाणे आहे.....ढोल ..ताशे.. चिपळ्या.. टाळ.. सगळेच आहे

उदीत नारायण ने सुध्दा काही भाग गायला आहे... फार दिवसांनी आवाज ऐकला त्याचा

४) शाह का रुतबा :- ही एक कव्वाली आहे. सुरवातीला जंजीर चित्रपटातल्या कव्वाली ची आठवण करुन देते (पठाणी टाईप).. भारदस्त आवाजाचा शेहनशाह सुखविंदर आणि आनंद राज आनंद यांच्या आवाजात एक वेगळा बाजाची कव्वाली आहे.. अजय-अतुल टच पदोपदी जाणावतो ऐकताना..

५) अभी मुझमे कही :- मुलायम आवाजाचा सोनु निगम याने हे गीत गायले आहे.. शांत हळुवार रॉमँटीक गाणे आहे.. ऐकताना अंगावरुन मोरपिस फिरवत आहे इतक्या तरलते ने गायले आहे.....

६) देवा श्री गणेशा :- अजय च्या खास रांगड्या आवाजात गणेशस्तुती चे गाणे आहे... एकदम कडक...

========================================================================