वांग्याचं भरीत वेगवेगळ्या पद्धतीने

नारळाच्या दुधातल नव्हत खाल्लं कधी. करून बघितल पाहिजे.

सायो,
यासाठी इथे मिळते ते कॅन मधल नारळाच दूध वापरले तर चालेल का?

मस्तच, नारळाच्या दुधात नव्हतं केलं कधी. आता करुन बघते आणि खाते

ह आपला पारंपारिक पदार्थ आहे. याच भरितात पोहे मिसळून पण खातात. छान लागतात.

मस्त आहेत प्रकार सायो.

अजुन एक प्रकार गावाकडे करतात भाजून सोललेले वांगे ताटात घ्यायचे (भारतातले वांगे चलते इथे १/४ वांगे घ्यावे लागेल) त्यात थोडे दाण्याचे कुट, थोडे लाल तिखट आणि मीठ घालायचे वरुन तेलाची धार आणि शेजारी बुक्कीने फोडलेला कांदा.

छान आहेत प्रकार सायो.
अजून काही-
वांगे, कच्चा कांदा, लाल तिखट, हळद, मीठ, साखर, कोथिंबीर, कडिपत्ता, दही, फोडणी.
वांगे, मिरपूड, मीठ, भाजलेला लसूण मॅश करुन, दही किंवा sour cream. (हे डिप म्हणून पण वापरता येतं. असा एक प्रकार 'बाबागानुश' मैत्रेयीने लिहिला होता जुन्या मायबोलीत.)

सायो, मस्तच कृती आहेत सगळ्या. पाणी सुटलं तोंडाला!

माहेरी भरताचा एक फेवरिट प्रकार:
कांदा, वांगं (त्याला चीर देऊन आत लसूण भरायचा), भरपूर तिखट असलेल्या हिरव्या मिरच्या आणि टोमॅटो सगळं शेगडीवर किंवा फुफाट्यात भाजायचं. वांगं सोलून कुस्करायचं. त्यात उरलेलं बाकी कुस्करून एकत्र करायचं. तिखट मीठ घालून, वरून चरचरित फोडणी ओतायची. (बदल म्हणून आंब्याच्या लोणच्याचा ताजा मसाला तिखटाऐवजी घालायचा.) फुलक्या जर्‍या जाड्या आणि खमंग भाजून त्याला वरून तुपाचा हात लावायचा. भरताशी झकास लागतात!
(पुन्हा लाळेलं लागणार!)

wow. एकापेक्षा एक recipe आहेत. नारळाच दुध किंवा शेंगदाण्याचा कुट. अफलातुन लागत असणार आहे.:)नक्की करुन बघणार
मी वरती लालु ने दिलय त्या पद्धतीने करते. पण फोडणी नाही देत.
सगळ्यात पहिल्यांदा आज म्रु च्या रेसिपीने करणार. आंब्याच्या लोणच्याचा मसाला घालुन . वाचुनच कधी एकदा खाईन अस झालय.
.......................................................................................................
रोज ४ च पोस्ट लिहिणार. सेव्ह ग्रीन.

पुन्हा लाळेलं लागणार! >> मृ, किती ते पाणी सुटतंय तोंडाला .. लाळेरं सुध्दा म्हणता येत नाहीये .. :p

माझ्या सासरी केला जाणारा एक वेगळा प्रकार..
तेलावर हिंग-जिर्‍याची फोडणीकरायची. बारिक चिरुन आलं,लसुण, हिरवी मिरची ,कांदा, टोमॅटो हे क्रमाक्रमाने घालुन परतायचे. त्यात हळद, गरम मसाला घालायचा व मटार घालुन थोडावेळ झाकुन शिजवायचं. मटार शिजले की भाजलेले वांगे घालायचे व पाच मिनिट कमी गॅसवर झाकुन वाफ येवु द्यायची. नंतर वरुन चिरलेली भरपुर कोथिंबीर घालायची.
पार्टी मध्ये वैगरे करायला छान वाटतं....

नारळाच्या दुधातल >> याला तुपावर २-३ वेलदोडे घालून फोडणी छान लागते.

वान्ग्याच्या लहान फोडी तेल मोहोरी व तिखट घालून खमन्ग परतायच्या,गार झाल्याकी कच्चा कान्दा, मीठ, ,साखर,सायीचे दही घालायचे उन्हाळ्यात दुपारी खायला सही लागते! भाजा,सोला अशी मेहेनत करावी लागत नाही!

हल्ली असे करते मैत्रिणीचे पाहुन.
कांदे फोडणीत छान खरपुस परतल्यावर, हिरवी वा रंगीत (शक्यतो लाल) ढबु मिरची चे बारीक तुकडे कापुन टाकायचे व ते पण छान खरपुस परतायचे. मगच टोमॅटो घालुन परतायचे. टोमॅटो ढेपाळले की वांग्याचा लगदा घालायचा. मग थोडा गरम मसाला व लाल तिखट व मीठ, आंअबटाला थोडेस्से आमचुर पावडर. २-४ मिनिटे शिजवुन बुडबुडे येऊ दिले की गॅस बंद व वरुन कोथिंबीर. जे काही तयार होते ते छान लागते.

अजून एक सोप्पा आणि छान प्रकार :

१. वांग्याच्या फोडी करून सालासकट कढईत तेलावर परतायच्या (झाकण घालून - वांग चांगलं मऊ व्हायला हवं)
२. जराश्या थंड झाल्या की त्यात भाजलेल्या शेंगदाण्याचे कूट, कच्चा बारीक चिरलेला कांदा, तिखट, मीठ घालायचं
३. हाताने सगळं एकत्र कुस्करून कालवून घ्यायचं
४. भरीत तयार....ज्वारी/बाजरी ची भाकरी, मिरची चा ठेचा आणि हे भरीत...वाह वाह !!

छान

सौदी अरेबियावाले तिळाचे तेल घालून बाबागनोअश करतात ना ?

आमच्या शेजार्‍यांकडे किंचित वेगळ्या पद्धतीने करतात. केले की मला आवडते म्हणून थोडे आणून देतात.
वांगे तेलाचा हात लावून भाजून एका मोठ्या पातेल्याखाली पूर्ण झाकून ठेवतात. यामुळे सालीला पोपडे येऊन ती लवकर सुटते म्हणतात.
दहा-पंधरा मिरीगोटे, (वांग्याच्या आकाराप्रमाणे), एक दोन बेताच्या लसूण पाकळ्या आणि हिरवी मिरची मिक्सरमध्ये वाटून घेतात. मिरीगोटे साधारण भरड झाले की त्यात थोडे ओले खोबरे घालून वाटतात. मग त्यातच वांग्याचा गर घालून एक सेकंद फिरवतात. भांड्यात आयत्या वेळी वाटण, बारीक चिरलेला कांदा, दही, हवी तर थोडीशीच कोथिंबीर, मीठ, साखर घालून एकत्र करतात. मिर्‍याचा झणझणीत ताजा वास मला आवडतो.

हा धागा बघितलाच नव्हता.

मला नारळाचं दुध तसंच चिंच-गुळाचं भरीत दोन्ही आवडतात. बाबागनुशपेक्षा मुतब्बल आवडतं मला.

वॉव, तोंपासु. बरेच दिवस भरीत केले नाही. हिरा, तुमची रेसिपीही छान. क.ब.ये.