शरण आता धाव अंबे

खरं तर हे गीत मला नवरात्रात द्यायचे होते. पण वेळच मिळाला नाही.ह्यातील सगळी नावं "देवी महात्म" यामधील आहेत. दुसरी ओळ "रुपं देही.." ही पण अर्गला स्तोत्रातील आहे.

शरण आता धाव अंबे वरदे माहुरवासिनी
रुपं देही जयं देही यशो देही द्विषोजही ||

महालक्ष्मी अंबिके जगदंब मायामोहिनी
किती रूपे नटसी माते रेणुके कुलस्वामिनी
तूच दुर्गा, क्षमा, धात्री, शिवा, नंदा, भ्रामरी
तूच, स्वाहा, स्वधा, काली, भद्रकाली, कपालिनी ||शरण आता...

रक्तबीजा नाव तूझे सार्थ करि नारायणी
जाग अंबे शताक्षी तू देवि महिषोन्मूलिनी
अन्न देही धान्य देही माते तू शाकांबरी
येई रूपे कालिके तू चंडमुंडविनाशिनी || शरण आता...

नमस्तुत्ये नमस्तुत्ये नमो देवी भगवते
नमो माते रेणुकाई देवि माते शारदे
नमो अंबे तूळजाई नमो तुज जोगेश्वरी
दावि तूझे रूप कोठे पाहु तुज येडेश्वरी || शरण आता...

मधूकैटभमर्दिनी तू होई दु:खविनाशिनी
धाव आता महालक्ष्मी हारी संकट वैष्णवी
घातली पायी मिठी मी दीन, चामुंडेश्वरी
नको सारू दूर आता ठाव देई अंतरी || शरण आता...