कारणे (तरही गझल)

एवढे झाले तरीही भेटतो आहोत ना?
सांग ना आतातरी नाकारण्याची कारणे!

वाट अंधारात होती, जायचे होते पुढे
देत गेलो चांदण्यांना चमकण्याची कारणे

स्फोट झाले, जीव गेले, क्षणभरातच संपली -
माणसांनी माणसांना जगवण्याची कारणे

कारणांमध्येच गेला जन्म सारा बापुडा
भाळण्याची कारणे, सांभाळण्याची कारणे

हे सारे शेर ..खणखणीत झालेत

खरे तर अख्खी गझलच ठेवणीतला दागिना झालिये..

नचीकेत खरेच
"काय होती वेदना आनंदण्याची कारणे?" या ओळीवर लिहिली गेलेली ..मला सर्वात आवडलेली ही तुझी गझल...जियो यार...

सुंदर...त्याहून सुंदर अभिप्राय...वाचून मजा आली....:)

नचिकेत,
प्रभावी लिहीतोस तू फार...

एवढे झाले तरीही भेटतो आहोत ना?
सांग ना आतातरी नाकारण्याची कारणे! >> अतिसुंदर!!

स्फोट झाले, जीव गेले, क्षणभरातच संपली -
माणसांनी माणसांना जगवण्याची कारणे>> मनात रेंगाळत राहिली ही वेदना....

नचिकेत मस्तच

मी फुलांचा गंध होतो अन् ऋतूंचा लाडका
ही अशी स्वप्नेच होती झोपण्याची कारणे

कारणांमध्येच गेला जन्म सारा बापुडा
भाळण्याची कारणे, सांभाळण्याची कारणे >>> मस्तच

वाट अंधारात होती, जायचे होते पुढे
देत गेलो चांदण्यांना चमकण्याची कारणे >>> हा ही आवडला... फक्त १% कमी कारण इथे चमकण्या'ची' मधला ची 'साठी' साठी आलाय आणि थोडा ऑड वाटतो म्हणून

सांग ना आतातरी नाकारण्याची कारणे! >>> बहारदार मिसरा