तुच माझा पाऊस

Submitted by अनिल७६ on 5 June, 2011 - 07:53

तुच माझा पाऊस ..

तसा तु आमच्याकडे आता खुप कमीवेळा येतो
तरीही मनाला नेहमीच भरपुर आनंद देऊन जातो

तु येताना नेहमीच खुप पाऊस आणावस अस मनाला वाटतं
पण कधी कधी तु तसा येऊनही फक्त निराश करुन जातो

तु कधी कधी अचानक येऊन असा अंगावर कोसळतो
मग पुढे न भरुन येणारं नुकसान देखील करतो

तु कधी कधी नको असताना अवेळीही येतो
सुरळित चाललेलं सगळं बिघडवुन जातो

तु कधी कधी जा म्हंटल्यावरही परत जात नाही
तरीही पुन्हा या जीवाला तु हवाहवासा वाटतो

आजकाल तु तसा पुर्वी सारखा जोराचा कुठे येतो
मीही मग त्या जुन्यां आठवणींवर दिवस काढतो

(न.वि.- मी ही कविता (?) मला सुचेल तशी लिहिली असल्यामुळे, चुका या असणारच, तुमच्या सुचनांच/दुरुस्त्यांच नक्कीच स्वागत आहे.)

गुलमोहर: 
कविता
शब्दखुणा: 
पाऊस कविता
शेअर करा

तु कधी कधी जा म्हंटल्यावरही परत जात नाही
तरीही पुन्हा या जीवाला तु हवाहवासा वाटतो ....आहा मस्तच...

खरय पावसाबरोबर आठवणीही येतात्...जा म्हणट्ल तरी ही जात नाहीत...
अगदी हव्याहव्याश्या वाटणा-या...

सावरी

Submitted by सावरी on 5 June, 2011 - 08:27

मस्त.

Submitted by जागू-प्राजक्ता-... on 5 June, 2011 - 14:00

कविता कराविशी वाटणे यात अनिल ५०% टक्के यश आहे. उरलेले पन्नास टक्के लोकांना ती पुन्हा पुन्हा वाचाविशी वाटणे यात आहे.

पहिले ५०% हे १००% आहेत अस मानल नाही तर नक्की कवितेचा दर्जा सुधारु शकेल.

पुढिल कवितांसाठी शुभेच्छा !

Submitted by नितीनचंद्र on 5 June, 2011 - 23:34

नितीन चंद्र यांच्याशी सहमत आहे.

पाऊस, उत्साह, ढग अशा सर्वांवर लागू पडावी अशी कविता!

स्वच्छ व साधी! मात्र लय बिघडत आहे व त्यामुळे गद्यासारखी वाचावी लागली इतकेच!

शुभेच्छा!

-'बेफिकीर'!

Submitted by बेफ़िकीर on 6 June, 2011 - 00:24

मॄदुगंधा,मंदार्,किरणजी,जागु,मी मुक्ता,अमित्,ठमादेवी
कविता वाचल्याबद्दल (झेलल्याबद्दल) सर्वांचे मनापासुन आभार !
Happy

नितीनजी,बेफिकीरजी
आपले विशेष आभार !
आपण माझी कविता वाचताना जो त्रास झाला असेल त्याबद्दल मी दिलगीर आहेच.
Happy

माझी या पुढची कविता येण्यास मी नक्कीच ५-६ महिने तर सहज घेईनच, तरी चिंता नसावी. Wink

Submitted by अनिल७६ on 6 June, 2011 - 05:30