फेसबुक ग्रुप - http://facebook.com/idonotlitter

फेसबुक प्रोफाईल
http://facebook.com/idonotlitter

हा प्रोफाईल तुमच्या फ्रेंड लिस्ट मधे अ‍ॅड करता येईल.

अजुन तिथे मजकुर लिहिलेला नाही. पण ते काम चालू आहे.
वेगळा प्रोफाईल बनवण्याची कारणे-
- एक नविन आय्डेंटीटी देता येईल.
- वेगळे पेज बनवता येईल
- भविष्यात अजुन काही ग्रुप्स वगैरे बनवायचे असल्यास तेही शक्य होईल
- कोणा एकाच्या नावावर ओनरशीप न रहाता, सगळ्यांचा उपक्रम वाटेल.

या ग्रुप द्वारे काय साध्य करायचे आहे-
आपल्यासारखे शिक्षीत आणि सुजाण लोकही बर्‍याच वेळा कचरा रस्त्यात, बागेत, ट्रेनमधे टाकतात. केवळ हा कचरा टाकला नाही तरी कितीतरी ठिकाणं आहे त्या पेक्षा स्वच्छ रहातील. तर स्वतःपासुन हि सुरुवात करुन तुमच्या घरातले, मग तुमचे शेजारी, मित्र मैत्रिणी या सगळ्यांमधे हे लोण परवायचे आहे.
मान्य आहे काही लोकांना कायद्याचा बडगा हवाच, किंवा आपण हे करुनही १००% कचरा संपणार नाही. पण आपण सुरुवात तर करुयात. आपण हि सुरुवात केली तर हळुहळू बदल दिसतीलच आणि आपल्यालाही स्वच्छ परिसराची मागणी करण्याचा, कायदे दाखवण्याचा अधिकार मिळेल.
केवळ रस्त्यात कचरा आहे म्हणुन मी टाकला तर काय फरक पडणार असे प्रत्येकाने म्हटल्यास काहीच बदल होणार नाही हे आता पर्यंत पाहिलेतच ना. किंवा झाडुवाले येऊन साफ करणार आहेत, मग मी कशाला त्रास करुन घेऊ असा विचार करत राहीलो तर सगळे परिसर स्वच्छ ठेवायला दहा जणांमागे एक झाडूवाला असे प्रमाण ठेवावे लागेल. ते कुठल्याच सरकारला म्युनिसिपालटीला शक्य नाही. जर आपण परिसरात कचरा कमी केला तर कदाचित व्यवस्थेवरचा ताण कमी होऊन आणखीन सोयीही मिळू शकतात.

काय प्लान आहे -
- या प्रोफाईल वरून महिन्यातून एकदा/ दोनदा (जास्तीही चालेल) जाहिराती सदृष्य चित्रे प्रसारित करायची आहेत. ज्यामुळे हा विषय लोकांच्या लक्षात राहील, समोर येत राहील.
- तुम्ही तुमच्या दैनंदिन आयुष्यात जर या समस्ये साठी आवाज उठवलात. किंवा अगदी स्वतः कचरा रस्त्यात टाकला नाहीत तरी ते सुद्धा इथे येऊन या वॉल वर पोस्ट करता येईल. जितक्या जास्त पोस्ट तितक्या चांगल्या.
- तुम्हाला वाईट अनुभव आले तर तेही लिहा. कदाचित तुमच्याशी वाईट वागणार्‍या लोकांच्या वाचनात हे येऊ शकते.
- जर तुमच्या कडे काही इंग्रजी मधुन वगरे लिखाण असेल, कचरा व्यवस्थापना बद्दल लेख असतील, अनुभव असतील तर ते इथे शेअर करा.
- तुम्ही तुमच्या आसपास, सोसायट्यांमधे, मित्र मैत्रिणींच्या ग्रुप मधे मिळुन काही उपक्रम केलात तर इथे कळवा.
- ट्रेकिंग ग्रुपने मिळुन एखादा उपक्रम केलात किंवा ट्रेकिंगला गेल्यावरही तिथे कचरा न करता स्वतःचा कचरा परत आणलात तर ते इथे लिहा.
- तुम्ही शाळा कॉलेजेसशी संबंधीत असाल तर तिथेही या ग्रुप बद्दल, आपल्या योजने बद्दल बोला. जितक्या तरुण किंवा शालेय मुला मुलींना जागरूक करता येईल तितके चांगले.
- याच कारणासाठी दुसरे ग्रुप असतील ते तेही एकत्र जोडता येतील.

- आणखी काही कल्पना आहेत या ग्रुपमधे करण्याच्या ज्या जमल्या तर हळुहळू टाकत जाईन.

अजुन काय मदत हवी आहे -
- चित्रे/ जाहीराती करण्यासाठी मदत हवी आहे. काही कल्पना आहेत. कोणाला इच्छा आणि वेळ असल्यास हे काम करता येईल
- मजकुर लिहिण्यासाठी, प्रोफाईलवर टाकण्यासाठी चांगले लिखाण हवे आहे.
- तुमच्याकडुन अजुन कल्पना हव्या आहेत.
- सर्वात महत्वाचे म्हणजे तुमचा सक्रिय सहभाग हवा आहे. हे माझे एकटीचे काम नाही.