वादात या कुणीही ....

Submitted by अ. अ. जोशी on 16 February, 2011 - 12:18

वादात या कुणीही सहसा पडू नये
पडल्यावरी कुणीही नंतर रडू नये

वाटे असे मलाही 'मोठी जगात हो'
माझ्यामुळे तुझेही कोठे अडू नये

अडवून मार्ग माझा शिक्षा तुलाच की !
ध्यानात ठेव इतके कोणा नडू नये...

घ्यावे जवळ कधीही, कोठे, कुणासही
इतकीच काळजी घे, मस्ती जडू नये

येथे स्थिरावलेले होते असे किती?
कोणा उगाच वाटे काही घडू नये

शिशिरात पालवीची शोभा नुरे जशी
प्रतिभा कुण्या कवीची इतकी झडू नये

जातील चंद्र, तारे कोठे लपूनही
गुणवान कोणताही कोठे दडू नये

**** पहिली ओळ कैलासची आहे.

गुलमोहर: 
मराठी गझल
शब्दखुणा: 
मराठी गझल
अजय जोशी
शेअर करा

शिशिरात पालवीची शोभा नुरे जशी
प्रतिभा कुण्या कवीची इतकी झडू नये

फार्फार आवडला. छान गझल अजयजी.:)... खरं तर शीघ्रगझल.

Submitted by डॉ.कैलास गायकवाड on 16 February, 2011 - 23:21

जातील चंद्र, तारे कोठे लपूनही
गुणवान कोणताही कोठे दडू नये

व्वा... छान

Submitted by विद्यानंद हाडके on 17 February, 2011 - 09:24

धन्यवाद!

चला, मी आत्ता बंगळुरुला जात आहे आठवडाभर. तिथे इंटरनेट मिळाल्यास बघेनच!

Submitted by अ. अ. जोशी on 17 February, 2011 - 11:10