रंगपेटी

स्वप्नात काल माझ्या
रंगपेटी आली
सगळे रंग मला
देउन ती गेली

माझ्याकडे आहेत सारे
रंगीबेरंगी खडू
विचार करतोय आता
कसले चित्र काढु

एकएक रंग मग
मला सांगु लागला
उपयोग त्यांचा मी
कुठे करु चांगला

ऐटीत पुढे मग
आला रंग निळा
काढा आकाश
मस्त ढगांशी खेळा

हातात हात घालुन आले
पोपटी आणि हिरवा
झाडे काढु छोटी मोठी
हवेत राहील गारवा

हा बघा आला
लाल म्हणजे तांबडा
जास्वंदीचे फूल
आणि तुरेवाला कोंबडा

रंगांच्या मारामारीत
तयार झाला काळा
काव काव करणारा
जसा चतुर कावळा

शुद्धतेचे प्रतिक
पांढरा श्वेत
पोहताना बगळे
काढायचा बेत

सुर्यफुल आणि झेंडु
रंग त्यांचा पिवळा
छान छान काढु
देवबाप्पाला माळा

लाल आणि निळा
मिळुन केला जांभळा
रसरशीत जांभळे काढा
नाही येणार कंटाळा