मिश्र कडधान्य घालून भात/ खिचडी

चांगली रेसिपी. माझी पद्धत/जिन्नस थोडे वेगळे आहेत ह्यापेक्षा.

मस्त

टाकणार होते वरच्या पोस्टमध्येच. पण म्हटलं तुझ्या रेसिपीवर माझी टाकावी का?

माझी पद्धत (सगळंच अंदाजे):
तांदूळ, हिरव्या सालीसकट मूगडाळ (भात कमी आणि मूगडाळ जास्त)- एकत्र धुवून ,
फोडणीसाठी- तेल, हिंग, हळद, मोहरी, जिरं, कढिपत्ता,
कांदा, मटार, गाजर, ओले हरभरे, वाल पापडीचे दाणे, कॉर्न (मटारासकट बाकी सगळं फ्रोजन), टोमॅटो.
मसाला- खिचडी मसाला, किंचित लाल तिखट, गोडा मसाला.
वरुन कोथिंबीर, खोबरं, तूप.
चवीप्रमाणे मीठ.

तेलाची हिंग, हळद, मोहरी, जिरं, कढिपत्ता घालून फोडणी करुन त्यात बारीक चिरलेला कांदा, गाजर, टोमॅटो आणि बाकीच्या भाज्या घालून परतून घ्यावं. त्यावर खिचडी मसाला घालून परतून एक वाफ काढावी. त्यावर तांदूळ-डाळ परतावी. जशी खिचडी हवी असेल त्याप्रमाणात पाणी घालुन शिजवावी. पाणी शिल्लक असतानाच गोडा मसाला, मीठ,तिख्ट घालावं. शिजल्यावर वरुन तूप, खोबरं, कोथिंबीर घालून गरम गरम ओरपावं.

अकु... कालच करुन खाल्लीत तर मग फोटो पण काढून अजून थोडं जास्त जळवायचं ना सगळ्यांना..

मस्त रेसिपी.
आजच करुन बघेन

खिचडी मसाला म्हणजे कोणता मसाला?
दाल-खिचडी हा एक अत्यंत चविष्ट प्रकार आहे पण तो मला तितकासा जमत नाही असे मला(च) वाटते.

मला वाटतं माझ्याकडे एमडीएचचा खिचडी मसाला आहे. जरा वेगळी चव येते त्याने.

एमडीएचचा खिचडी मसाला>>>>>>>> वोक्क्के. वापरुन बघते.

चिंगी, सॉरी, सध्याचा मसाला बादशाहचा आहे. मागे होता तो एमडीएच चा होता. तो बादशाहपेक्षा जास्त चविष्ट होता पण आमच्याकडे हल्ली मिळत नाहीये.

कडधान्ये वेगळी का शिजवून घ्यायची ? मोड आलेली कडधान्य घालून खिचडी करायची असेल तर मी डाळ-तांदळाच्या खिचडीसारखंच दोन्ही एकदम शिजवते.

फस्किलास!
कैरीच्या लोणच्याचा खार, ताक आणि नागलीचा पापड बरोबर हवाच!

गरम गरम कढी किंवा टोमॅटोचं सारही हवंच बरोबर.

मी पण कडधान्य वेगळे शिजवुन घेत नाही.

माझी रेगुलर खिचडी म्हणजे सायो म्हणते तशी त्यात अजुन मी असेल ती पालेभाजी जसे पालक, मेथी, चार्ड किंवा मग कोबी घालते. खिचडी मसाला नाही वापरत घरचा गरम मसाला घालते.

हा घ्या फोटो. भाज्या घातलेली मुडाखि, कढी आणि काकडीची कोशिंबीर. फोटो काही ग्रेट आलेला नाही.

यम्मो सायो

भाजी घालुन खिचडी करतो त्यात सांबार मसाला किंवा इव्हन पावभाजी मसाला पण अल्टी लागतो ट्राय करा. सोबत टॉम सार

खिचडी बरोबर कांद्याच्या गोल चकत्या वरुन लिंबु पिळुन हवाच. आणि हो फोडणित कधि बडिशेप टाका. मस्त वास आणि चव.

खिचडी मसाला वेगळा मी कधी वापरला नाहीये. मी आपला गोडा किंवा गरम मसाला घालते किंवा गोडा, गरम, सांबार, पाभा असे सगळे मसाले चिमूट चिमूट... त्याने पण धमाल येते.
आता गुहागर ला जाईन तेव्हा खिचडी मसाला वेगळा मिळतोय का खातू प्रॉडक्ट्स मधे बघते. आणि घेऊन येते. कुणाला हवाय? अजून कसला मसाला? खातूचा गोडा मसाला तर मला जाम आवडलाय. संडे मसाला म्हणून एक आहे रोजच्या भाज्यांबिज्यांसाठी तो पण मस्त आहे. गुहागर तालुक्यात फॅक्टरी आहे. तिथे बाहेर मिळतात. या महिनाअखेरीस तिकडे चक्कर आहे. हवे असल्यास सांगा.

माझा खूपदा रात्रीचा हा मेनू असतो. पण माझा आपला शॉर्टकट, सगळे एकदाच प्रेशर पॅनमधे शिजवले कि झाले.

माझी आई खिचडीत गूळदेखील घालते. << मी पण घालते... गोडा मसाला घालुन केली की

छोले मसाला नाही ट्राय केला मी.... नेक्श्ट टाइम छोले मसाला.....खिचडी