दहि-बुत्ती

सायो,

बरं उसळी म्हणजे काय?

आर्च, उसळीला फारसा अर्थ नाही. भरपूर खार असतो त्यात म्हणून म्हणत असावेत.

दही बुत्तीत रमले की सारे!

काय गंमत आहे नाही..दही भाताच्या रेसिपीच्या सुद्धा केवढ्या पद्धती! काय जबरदस्त आयडिया दिल्या आहेत. Only on Maayboli!

उसळी मिरच्या म्हणजे भरलेल्या सुक्या मिरच्या का? तळून, चुरडून खातात त्या? दही भाताबरोबर अत्यंत आवश्यक (मला).

कल्पु, त्या सांडगी मिरच्या. उसळी मिरच्या ह्या मिरचीच्या लोणच्यासारख्या असतात. खार असलेल्या. पण घरगुती उसळी मिरच्या विकतच्या लोणचाच्या तोंडात मारतील अशा असतात चवीला.

तुपावर हिंगजिर्‍याची फोडणी करून त्यात हिरव्या मिरच्या खरंगटून घालूनही छान लागतो दहीदूधभात. कोथिंबीर मस्ट!
याच रेसिपीत भाताऐवजी जाडे पोहे भिजवूनही मस्त लागतात.

मला दही भातात किसलेलं आलं पण आवडतं.
फोडणीत वर सगळ्यांनी लिहिलय तसं मोहरी, कढीपत्ता, भरलेली मिर्ची किंवा ती नसेल तर हिरवी मिर्ची, हिंग, उडिद-चणा डाळ घालून केलेली फोडणी आवडते.( पण तूपाचा वास नाही आवडत फोडणीत )
गार्निश करताना कोथिंबीर + किसलेलं गाजर किंवा किसलेली काकडी.
डाळींबाचे दाणे दहीवड्याच्या दह्यात आवडतात :).

मला दही भातात किसलेलं आलं पण आवडतं.>>> मलापण... आणि तमिळ लोकांमधे अशीच रेसिपी असते. आम्ही नेहमी करतो. चांगली रेसिपी आहे ही पण...

नविनच प्रकार आहे हा माझ्यासाठी. मी नुसतं दही घालायचे. दुध माहीत नव्हत. आता नक्की करुन बघणार

हायला काय लोकं आहेत. जरा मेला डायेटिंगचा विचार मनात आला, की झालेच सुरु मस्त रेसिपीज टाकणे अन त्यावर खमंग चर्चा करणे

यम्मी यम्मी.... मामी

हा तर 'दही बुत्ती फॅ क्ल' झालाय की

एक से एक ग्रेट आयडियाज

आता इथे उन्हाळा सुरु झाला की दही बुत्ती, दही भात... नेहमीच

माझी पण एक आयडिया - फोडणीत थोडी हळद, मोहरी, हिंग, कढीपत्ता घालायचा आणि मग ती दहीभातात कालवायची. सोबत छोटे छोटे पांढरे कांदे कच्चेच, बुक्की मारुन फोडुन ... किंवा इथल्यासारखे गलेलठ्ठ असतिल तर बारीक चिरुन... आणि ताजी कोथिंबीर.... अहाहा... तोंपासु

दहीबुत्तीत ताज्या पुदिन्याचा स्वाद पण मस्त लागतो

मस्त्!!आज संध्याकाळ्चा बेत ठरला!!!!
उसळी मिरच्या म्हणजे लोणच्याच्या मिरच्या चिरुन घ्यायच्या, त्यात मिरची लोणच्याचा मसाला मिक्स करायचा, वरुन तेल गरम करुन गार झालं की ओतायचं. मस्त लागतात!!

भारतात जीरा बटर म्हणून एक टोस्ट बन मिळतो. तो दहीवड्याच्या दह्यात घालून इंस्टंट दहीवडा बनवता येतो.

तो दहीवड्याच्या दह्यात घालून इंस्टंट दहीवडा बनवता येतो. >> अहाहा काय मस्त लागते हे.. हो पण बटर चांगल्या क्वालीटीचे हवे. मला देसाईबंधुंकडे मिळतात ते आवडतात. ( हा प्रकार दहीवड्यापेक्षा जास्त छान ल्लागतो.. हे माझे मत )

दही-भातासारखाच ताकभात पण करायच्या वेगवेगळ्या पध्दती आहेत. ज्यांना अशा पध्दती माहीत आहेत त्यांनी लिहा पाहू....

माझी आजी ताक भात असा कालवायची..... एका मोठ्या भांड्यात गार झालेला भात मोकळा करून घ्यायचा. त्यात थोडे दूध, जास्त ताक, मीठ घालून एकजीव कालवायचे. अगदी किंचितसा मिरचीचा खर्डा घालायचा. कधी ती दाण्याचे कूटपण घालायची किंवा शेंगदाण्याची चटणी. आणि चिमटीभर साखर. हे सर्व एकत्र कालवायचे भरपूर. आणि मग असा घास घास भात जरी खाल्ला तरी जीव तृप्त व्हायचा.

जीरा बटर >>>> यम्मी.. ते आणले तर असे संपतात की काही कळतच नाही. पण आता करुन बघीन इंस्टंट दहीवडा

माझ्या एका साऊथ इंडियन मित्राने आम्हाला एकदा राजेशाही दही बुत्ती करून खिलवली होती. राजेशाही का?
तर दूध सायीसकट, साय जिरवत गरम केले. नंतर ते गार झाल्यावर जेवढे दूध तेवढेच दही घेऊन ते एकत्र फेटले, एकजीव केले. भात आधीच शिजवून गार झाल्यावर मोकळा करून ठेवला होता. दुसरीकडे कांदा बारीक चिरलेला, काकडी बारीक कोचवून, डाळिंबाचे व द्राक्षाचे दाणे वेगळे करून ठेवलेच होते. भातात ते दही+दुधाचे एकत्र फेटलेले मिश्रण घालून त्याने भात कालवून घेतला. त्यात चिरलेला कांदा, कोचवलेली काकडी, द्राक्षे, डाळिंब दाणे घातले. मग शुध्द तुपात जिरे, उडदाची डाळ व भिजवलेली हरबर्‍याची डाळ, भरपूर कढीपत्ता व काश्मिरी मिरच्यांची फोडणी केली. ती गार झाल्यावर ह्या भातात हलक्या हाताने कालवली. चवीनुसार मीठ, थोडीशी साखर घातली. वरून भ र पू र कोथिंबीर. अ ल्टि मे ट चव! हा आयटम तो मित्रमंडळींच्या पार्टीसाठी खास फर्माईशीनुसार तयार करतो. त्याची सर्व पूर्वतयारी आपण करायला लागते. हे साहेब नुसते येऊन मिक्सिंगचे काम करतात!!!

मग नुसती दही बुत्तीच राजेशाही नाही तर तुझ्या मित्राचा थाटही राजेशाहीच आहे.

सायो

माझ्या भावाची ताकपोहे रेसिपी आठवल्याशिवाय राहू शकत नाही हे सगळे वाचून

http://vadanikavalgheta.blogspot.com/2009/06/taak-pohe.html

आणि आमचे धनी ब्येष्ट दहीवडा करतात. पेशल रेसिपी - मी पण केलेलाच खाल्लाय केलेला कधी पाहिला नाहीये

मिनोती, मग एकदा खास माबोसाठी त्यांना दहीवडा करायला लावून तू पहा आणि इथे येउन रेसीपी लिही

मिनोतीच्या धन्यांची सिक्रेट रेसिपी असेल आणि त्यांना बायकोबरोबर शेअर करायची नसेल तर का उगाच भरीला पाडताय?

मामी, तांदूळ, दूध दही यांचे प्रमाण सांगणार का, तुम्ही घेतलेले?

दहीबुत्त्ती पहिल्यांदाच ऐकलंय!