दहि-बुत्ती

हिंग का नको? दह्याला हिंगामुळे मस्त चव येते.

आमच्याकडे यात फोडणी घालत नाहीत ऐवजी कच्चा लसूण आणि काळी मिरी ठेचुन लावतात.

पिकनिकला वगैरे जाताना भात कोमट असताना साधारण १/२ वाटी ते १ वाटी दही बाकीचे दूध घालायचे. जाताना दह्याची बाटली घेऊन जायची ऐनवेळी घालायला

अरे वा! ही एकदम झटपट कृती आहे. मी आपली रात्रभर विरजण लाव वगैरे उद्योग करायचे. माझ्या लेकीला हा भात प्रचंड आवडतो. उद्याच करते. थँक यू, मामी! शेअर केल्याबद्दल!

मी पण फोडणीत हिंग घालते, शिवाय उडीद डाळ, दाणे, डाळे फोडणीतच जरा तळून घेते. अल्टिमेट कंफर्ट फूड. मी अगदी दहीभात पर्सन आहे.

बरोबर ताजे आंब्याचे लोणचे. हॉट चिप्स नावाच्या दुकानांमधून बटाट्याचे वेफर्स मिळतात ताजे ते ही मस्त लागतात. प्लेन सॉल्टेड किंवा तिखट लावलेले. ड्ब्यात देताना डाळीचा तिखट चपटा वडा असतो तो ही बरोबर मस्त लागतो.

इथे दक्षिणेत हॉटेल बुफे मध्ये हमखास असतो. जरा सरसरीत करून बोल मध्ये ठेवतात व वरून गाजराचा कीस शोभेला घालतात.

मस्त! मला ह्या दहीबुत्तीत द्राक्षे, डाळिंबाचे दाणे, बारीक कोचवलेली काकडी, कोथिंबीर घालून आवडते. आणि फोडणीत भिजवलेले शेंगदाणे, भिजवलेली हरभरा डाळ घालायची. सुकी लाल मिरची, कढीपत्ता घातलेली फोडणी. थोडी मिरपूडही घालायची.

मामी हा कोल्हापूरचा प्रकार आहे का ? तिथे हॉटेलमधे मिळतो असा भात.
अकु, सेम !! मला तर त्यात बुंदी, फोडणीची मिरची, काजूगर, सुरणाचे क्यूब्ज असे बरेच कायकाय घालून आवडते. उन्हाळ्यात हा भात चक्क फ्रीजमधे ठेवायचा. ज्यावेळी तल्लखीमूळे अन्नावरची वासना जाते, त्यावेळी हा भात सहज खाल्ला जातो.

मामी सेम मेथड... पण माझ्या लक्षात आलेला आजुन एक पॉइंट. गरम दुधाचे भाडे गार पाण्यात ठेवुन कोमट ( बोट बुडवुन पहावे.. बोटाला सोसेल असे ) केले जास्त छान होते.. तसेच ठेवुन गार करण्यापेक्षा.. आणि तसेच गार करायला ठेवले तर खुप वेळा चेक करावे लागते

मामी मस्त रेसीपी
आज संध्याकाळचा तोच मेनु

मी इथे दही नाही लावत पण आई घरी अशाच पद्धतीनी दही लावते तुमच्या प्रमाणे.

मामी छान रेसिपी. मी दही बुत्तीला तुपाची फोडणी देते आणि ती पण भात कालवल्यावर वरून घालते. आणि त्यात अकु म्हणते त्याप्रमाणे चोचवलेली काकडी घालते. आता तुमच्या पद्धतीने करून बघेन.

अजुन एक बाहेर प्रवासाला जाताना या दही भातात एक मोठा बर्फाचा खडा ठेवायचा. त्यामुळे दही आंबट होत नाही. आणि भात छान गार राहातो.

हा प्रकार मी इथे आल्यानंतरचं खाल्ला. अर्था सिंगापुरात आल्यावर. यात किसलेला गाजर आणि मोठ्या हिरव्या मिरचीचे काप पण घालतात. मिरी पण चालतात. छान आणि सोपा प्रकार आहे हा.

बी, तू बागला भात तर म्हणत नाहीस ना? साऊथ ईंडियन स्टाईल?

नाही मी हाच भात म्हणत आहे. इथे सिंगापुरात माझे कलीग्स कित्येक वेळी आणतात हा भाग. बागला भात काय त्याची कृती तू सचित्र लिहि आता

माझी एक तमिळ कलीग कर्ड राइस आणायची डब्यात. त्यात लोणचे पण घातलेले असायचे.

मला ऑथेंटिक बागला भाताची कृती माहित नाही. मी माझ्या पद्धतीने करते. तुला हवी असल्यास विपुत लिहिते.

लिहि!!!! इथेचं अर्थात वेगळे पान उघडून लिहिली तर इतरांनाही माहिती होईल आणि चुकांची दुरुस्ती होईल. कदाचित पुर्ण अचूक कृती पण मिळू शकेल.

>>>>>>>> दही झटपट नाही बरं का! ते विरजून तयार असलेच पाहिजे - निदान थोडेतरी.

मामी,

भाताला कोमट असताना विरजण लावते अस मला म्हणायच होत. पण त्या निमीत्ताने विरजणाची एक सही रेसिपी इथल्या सुगरणिना मिळाली.

बी, सध्या तुझ्या विपुत टाकते. वेगळ्या पानाचं नंतर बघू.

कोकणात आमच्या आजीकडे असा भात करायचा असेल तर भात गरम गरम असताना दुधात चांगला कालवतात. दुध सायीसकट चांगलं भरपूर घालतात भात सैलसर होईपर्यंत आणि मग त्यात दह्याचा चमचा फिरवतात. मग त्यावर झाकण ठेवून विरजण लागण्यासाठी ठेवतात. मस्त घट्ट विरजण लागतं मग खायला घेण्याअगोदर मीठ घालून कालवतात, त्यावर साजूक तुपाची हिंग, जिरं, कढीपत्ता आणि सुक्या मिरच्यांची खमंग फोडणी.. अहाहा! पोटात कसं शांत शांत.

पावभाजी, मिसळ, रगडा पेटिस, छोले ह्यासारखं मसालेदार तिखट जेवण झाल्यावर हा दहीभात अगदी मस्ट असतो आमच्याकडे

मोहरी-हिरे>

काय मामी, साहित्य वाचूनच धडकी भरली की हो.

आर्च, त्यांच्याकडे घालत असतील हिरे. म्हणून तू घालायला हवेस असं नाही. तू आपले सेट करता राखून ठेव.

कल्पू, मंजूडी- असं भातातच विरजण लावतात हे मला नवीनच आहे.

सायो, उन्हाळ्यात मी बऱ्‍याचदा असं भाताला विरजण लावून ऑफिसला घेऊन जाते. दुपारी डबा खाईपर्यँत मस्त विरजण लागतं. नुसता दहीभात नेला तर आंबटढाण होतो.

करुन बघेन इथे. पण विरजण लागायला वेळ लागेल असं वाट्टं.
फोडणी ऑफिसात करतेस का?

ऑफिसात फोडणी विरहीत दहीभात. 1 वाजता डबा खायचा तर 12 वाजता डबा ऑफिसच्या फ्रिजरमध्ये ठेवतो आम्ही.. द.भा. मैत्रिणी तिखट बुंदी वगैरे घालून खातात पण आम्हा मराठींसाठी उसळी मिरची झिंदाबाद

हं, मस्तच उसळी मिरची, घरची असेल तर सोने पे सुहागा.