आई आणि बार्बी डॉल...

आई आणि बार्बी डॉल...

सो नाईस बार्बी डॉल
कित्ती कित्ती फिरले मॉल

आलीये म्हणे स्टेट्सहून
मिरवते सगळ्या शॉपीतून

कसली क्यूट दिसते नं ही
वेगवेगळ्या फॅशन्स सही

मॉम मात्र चिडते फार
"कसली आलीये नटवी नार"

"कसले हिचे लांडे फ्रॉक
तुला कुणाचा उरलाय धाक ?"

चूल बोळकी भातुकली छान !!
जोडीला ते ठकी पुराण !!!

अस्सं बोअर करते ना ही
नव्याचे हिला कौतुकच नाही

"एवढं का गं रागावतेस आई ?
चल, दुसरं खेळू काही...."

हळूच माझा घेउन पापा
म्हणते "सांभाळ रे, देव बाप्पा..."