मी ध्यास घेतलेला

ना चित्तरंजनाचा मी ध्यास घेतलेला
भवदु:खभंजनाचा मी ध्यास घेतलेला....१

जे दाखवील सृष्टी मिटवून पाकळ्या;त्या-
अभिजात अंजनाचा मी ध्यास घेतलेला....२

मज दाविशी असूरा, भेसूर दंतपंक्ती
रात्रीस मंजनाचा मी ध्यास घेतलेला....३

कोणी न या अभाग्या शक्तीविना विचारी
रामा,प्रभंजनाचा मी ध्यास घेतलेला....४ (प्रभंजन=हनुमान)

हे भाग्य!स्वार्थ माझा बनतो परोपकारी
व्याधीविभंजनाचा मी ध्यास घेतलेला....५ (काफियात अंतर्भूत झालेले स्वरचिन्ह-अ ऐवजी इ)
------------------------------------
संगीत ऐकतो ना शब्दात रम्य रमतो
भावार्थ गुंजनाचा मी ध्यास घेतलेला....६ (टीप:गुंजनाचा-कच्चा काफिया)