विचारसरणी

एकविसाव्या शतकाने सर्व स्तरातल्या लोकांसाठी अनेक आव्हाने निर्माण केली आहेत. जलद झालेले दळवळण, आंतरजालाचा पसारा (इन्टरनेट) आणि माहितीचा झपाट्याने होणारा प्रसार ह्यामुळे लोक आधी कधीही न अनुभवलेल्या अशा काही परिस्थितींमध्ये स्वतःला अडकलेलं पाहतात की तिथे झटपट आकलन, निर्णय घेणे आणि समस्या सोडवणे अपेक्षित असते. पारंपरिक साधने ही अशा समस्यांवर उपाय शोधण्यात असमर्थ ठरत आहेत. त्यासाठीच नव्या साधनांचा, नव्या पद्धतींचा अवलंब केला जाणे आवश्यक ठरत आहे.