'मायबोली गणेशोत्सव २०१६'

नमस्कार!

यंदा मायबोली गणेशोत्सवाचं सतरावं वर्ष. रूढार्थानं मायबोलीवरचा गणेशोत्सव जरी आता तारुण्यात पदार्पण करत असला, तरी खरंतर प्रत्येक वर्षी विविध उपक्रमांची रेलचेल आणि मायबोलीकर आणि त्यांच्या कुटुंबियांचा उस्फूर्त सहभाग यामुळे आंतरजालावर तो केव्हाच स्थिरावला आहे. आपल्या प्रत्यक्ष आयुष्यातही त्याचं विशेष मानाचं स्थान आहे. यावर्षी विशेष आनंदाची गोष्ट म्हणजे, आपल्या मायबोलीला वीस वर्षं पूर्ण झाली. या घटनेला साजेसा सोहळा करायचा, म्हणजे मोठीच जबाबदारी संयोजकांवर होती. विघ्नहर्त्याच्या कृपेनं आणि मायबोली अ‍ॅडमिन टीमच्या मदतीनं सालाबादप्रमाणे तो दणक्यात पार पडला!