विजया मेहता

सुमारे पस्तीस वर्षापूर्वी अनिल बर्वे लिखित हमिदाबाईची कोठी हे नाटक रंगमंचावर आलं. बर्वेंची संहिता, विजया मेहतांचं दिग्दर्शन व नाना पाटेकर, अशोक सराफ़, नीना कुलकर्णी, भारती आचरेकर आणि स्वत: विजयाबाई ह्यासारख्या कसलेल्या अभिनेत्यांचा अभिनय ह्या त्रिवेणी संगमामुळं हे नाटक चिरंतन रसिकांच्या स्मृतीत राहिलं. सुनील बर्वेंच्या “हर्बेरियम” प्रकल्पांतर्गत हे नाटक पुन्हा एकदा रंगमंचावर आलं आणि आमच्यासारख्या (विजयाबाईंच्या शब्दातच सांगायचं झालं तर) “द लेट बॉर्न जनरेशन” ते बघायाल मिळालं हे आमचं भाग्य. त्यासाठी “सुबक”चे शतश: आभार!

विजया मेहता लिखित, "झिम्मा" या पुस्तकाबाबत इथे चर्चा झालीच आहे. गेल्या सहा महिन्यात किमान चार वेळा मी ते वाचले. शिवाय हाताशीच असल्याने कधीही कुठलेही पान वाचायला सुरवात करावी आणि त्यात रमून जावे असे अनेकदा झाले.

काल सहज मनात एक विचार आला.

बाईंनी सुरवातीलाच लिहिलेय कि लेखन हा त्यांचा प्रांत नाही. त्यांना बोलणे जमते. झिम्माच्या मुखपृष्ठावर त्यांचे जे फोटो आहेत ते अत्यंत बोलके आहेतच. मग या पुस्तकाच्या आधाराने एखादी भव्य दूरचित्रवाणी मालिका का बनू नये ? या पुस्तकाचा आवाका, माहितीपटाच्या कक्षेतला नाही.