अभ्यासोनी मग..

Submitted by अनन्त्_यात्री on 14 March, 2025 - 05:22

"अभ्यासोनी मग | प्रकटावे" ऐसे
कुण्या रामदासे | सांगितले

"दिसामाजी काही | तरी ते लिहावे
प्रसंगी वाचावे | अखंडित"

असेही वदले | तेव्हा रामदास
मना उपदेश | करताना

आता मला सांगा | लिहिणे, वाचणे
अभ्यास करणे | कोणा झेपे?

अभ्यास कशाला | प्रकटण्या आधी?
इंटरनेट हाती | असताना !

हाती जे येईल | फॉरवर्डावे तेच
पुढच्यास ठेच | लागेना का

वायफळ मळे | पिकवू अमाप
काळाची झडप | येवो सुखे

विषय: 
अवांतर
Groups audience: 
गुलमोहर - कविता
Group content visibility: 
Use group defaults
शेअर करा