नको नाव काढू नको आठवू तू

Submitted by द्वैत on 11 March, 2025 - 12:05

नको नाव काढू नको आठवू तू
नको रान सारे पुन्हा पेटवू तू

नको माग घेऊ नको पत्र धाडू
मनाचा पसारा नको वाढवू तू

अवेळी असे दाटती मेघ काळे
नको दीप दारातला मालवू तू

भरोसा कुठे राहिला आसवांचा?
नको दुःख डोळ्यामध्ये साठवू तू

बरा वाटतो गूढ अंधार आता
उन्हाचा कवडसा नको पाठवू तू

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

सुंदर

Submitted by दत्तात्रय साळुंके on 12 March, 2025 - 04:44