मभागौदि २०२५ शशक - बॉयफ्रेंड

तिला तो जाम आवडला होता.
तिने त्याला पहिल्यांदा पाहिलं होतं,तेच मुळी मारामारी करताना.
एकदम मॅनली होता तो.
तिला अगदी अस्साच बॉयफ्रेंड हवा होता. बेफाट !
त्याच्याबरोबर तिला अगदी सेफ वाटत असे.
एकदा ती दुसऱ्या कोणाबरोबर तरी बोलते अशी नुसती शंका त्याला आली.
अन तिला तिची चूक जाणवली. तिला मॅनली बॉयफ्रेंड हवा होता. पण असा नक्कीच नाही. तिची निवड साफ चुकली होती.
पण आता खूप उशीर झाला होता.
त्याच्या भावना, त्याचं प्रेम कुठे हरवलं होतं, कोणास ठाऊक ?
आणि त्याने तिच्यावर चाकूचा वार केला . तिचे प्राण गेले… तरी तो वार करतच राहिला .
पार तुकडे केले त्याने तिच्या शरीराचे ...