Submitted by vilasrao on 11 February, 2025 - 12:18
गजल: दूर आहे आज गंगा
दूर आहे आज गंगा पाहून आलो
अर्घ्य माझे चंद्रभागे देवून आलो !
येत नाही आठवांना तो गंध आता
काय मी हा श्वास तेथे ठेवून आलो ?
ओलवे संदर्भ आभाळा वेदनेने
दूर ओझे मी ढगांचे वाहून आलो !
थांबले आता धुमारे या माझ्या व्यथेचे
धुमसतांना एकदा मी पेटून आलो !
थांबवावे गोंधळाला कंटाळलो मी
आज एकांतास माझ्या विनवून आलो !!
वाहली श्रद्धांजली मग माझ्या मनाला
आज आशा कोणती मी लावून आलो !
विलास खाडे
Groups audience:
Group content visibility:
Use group defaults
शेअर करा
