अजून स्वाभिमान जाज्वल्य आहे

*अजून स्वाभिमान जाज्वल्य आहे*

अभिमानी नसावे कधीच
स्व चा अभिमान असावा
भेद जाणू स्वाभिमानी व अभिमानीचा
गर्विष्ठ स्वभाव कधीच नसावा .

असता स्वभावे स्वाभिमानी
तयाचाच मान रहातो जगती
ताठ मानेने जगणे उचित
तरच होते जीवनी प्रगती.

अभिमानी नसावे कधीच
गर्वाने होतो पराजय
बलाढ्य असूनही रावण
मिळवू शकला नाही विजय.

मोडेन, पण नाही वाकणार
स्वाभिमानी वृत्ती असावी
विनयाने शोभावे जीवनी
पण, लाचारता कधी नसावी.

अजून स्वाभिमान जाज्वल्य आहे
याची द्यावी मनाने ग्वाही
मग यश संपादन करण्यात
कधीच अडचण येणार नाही.

वैशाली वर्तक.