मी एक खादाड प्राणी भाग – ४

*मी एक खादाड प्राणी भाग – ४*
अंडी पौष्टिक आणि संतुलित आहार आहे. कोंबडी व्यतिरिक्त खाल्लेली जाणारी इतर अंडी ही बदक, कासव, तितर, मगर, इमू अशी आहेत. सर्वात महाग अंडी, माशांची अंडी ज्याला कॅविअर म्हणतात, बेलुगा कॅविअरची किंमत सुमारे 5 लाख रुपये प्रति किलो आहे. ऑस्ट्रेलियामध्ये मगरींचे फार्म भरपूर आहेत आणि तुम्ही मगरीची अंडी वापरून मगरीचे आईस्क्रीम मिळवू शकता.
अंड्यांचा उपयोग केक, आईस्क्रीम आणि अनेक पाककृतींमध्ये थिंकिंग एजंट म्हणून केला जातो. आपण आपली चर्चा कोंबडीची अंडी आणि अंड्याच्या पाककृतींपुरती मर्यादित करूया.
साधारणपणे अंडी, कच्ची, उकडलेली, हाफ फ्राय किंवा ओम्लेट म्हणून खाल्ली जातात. ऑम्लेट मध्ये भरपूर प्रकार आढळतात. झुरिक मध्ये स्टेशनजवळील कॅफे मध्ये 100 पेक्षा जास्त प्रकारची ओमलेट मिळतात. पुण्यातील रुबी हॉस्पिटलजवळील एका छोट्या कॅफेमध्येही 20-25 प्रकारची ओमलेट मिळतात.

चला तर बेसिक खमंग ऑम्लेटने सुरुवात करूया.
तुमच्या इच्छेनुसार अंड्यांची संख्या घ्या. जेवढी अंडी घेतली आहेत तेवढे टी स्पून दूध घाला . अंडी आणि दूध चांगले चांगले फेटून घ्या. त्यामध्ये कांदा, हिरवी मिरची किंवा तुम्हाला हवे ते घाला. एक पॅन गरम करा. ओमलेटसाठी कोणतेही खाद्यतेल वापरू नका. सर्वात चांगले म्हणजे मार्गरीनचा वापर करा. गरम तव्यावर, मार्गरीन घालून , अंड्याचे मिश्रण त्यावर ओता आणि मंद आचेवर शिजवा. जेव्हा वरची बाजू अर्धी शिजलेली असेल तेव्हा अर्धे ऑम्लेट फोल्ड करा आणि दोन्ही बाजूंनी भाजून घ्या. यामुळे इडलीप्रमाणेच फ्लफी ऑम्लेट बनेल. या पद्धतीमुळे ऑम्लेटला कधीही वास येणार नाही आणि रंग पिवळा तपकिरी राहतो. मार्गरीन मध्ये जास्त प्रमाणात स्मोकिंग पॉईंट असल्यामुळे त्याचा धूर किंवा वास येत नाही. भारतात मार्गरीन डेलिसिअस ब्रँड म्हणून उपलब्ध आहे.

भिन्नतेसाठी बेसिक ओमलेटमध्ये अनेक घटक घातले जाऊ शकतात. साधारणपणे त्यात चीज, हॅम, चिकन आणि इतर अनेक गोष्टींचा गार्निशिंग इफेक्ट्स साठी वापर केला जातो.
पारशी लोक नाश्त्यासाठी सलई ऑम्लेट बनवतात . या रेसिपीमध्ये ऑम्लेट शिजत असताना ऑम्लेटवर पोटॅटॊ सलई किंवा बेसन शेव घातली जाते . पुढील लेखात आपण आणखी वेगवेगळे ऑम्लेटचे प्रकार पाहू.
येथे आपण रम ऑम्लेट म्हणून ओळखले जाणारे एकच प्रसिद्ध ऑम्लेट पाहणार आहोत. नेहमीप्रमाणे अंडी फेटून घ्या , इतर घटकांऐवजी पिठीसाखर घाला . दोन टेबलस्पून रम देखील अंड्यांमध्ये मिसळा. बेसिक फ्लपी ऑम्लेट प्रमाणे ऑम्लेट तयार केल्यावर ऑम्लेटच्या आकारानुसार त्याच्यावर रम घाला डिश सर्व्हिंगसाठी नेताना त्याच्यावर पिठीसाखर स्प्रेड करा . सर्व्ह करताना रम पेटवून , ज्योत असलेले ऑम्लेट सर्व्ह करा . या प्रक्रियेमुळे रमचा गोडवा तसेच कॅरामलाइझ साखर टिकून राहते.
हा एक खमंग पदार्थ आहे.