अंत: अस्ति प्रारंभ: - १- दुर्बीण - अतरंगी

Submitted by अतरंगी on 11 September, 2024 - 11:57

नेहमीप्रमाणे तो गावातल्या मुलांसोबत म्हशी चरायला डोंगरावर घेऊन गेला होता. म्हशी चरायला सोडून तो असाच काही दिवसांपुर्वी डोंगराच्या वाटेवर सापडलेल्या दुर्बिणीशी खेळत त्यातून काय काय दिसतंय बघत होता. आजकाल त्याचा तो छंदच झाला होता.

दुर्बिणीमुळं लांबवरच्या गोष्टी पण कशा स्वतःच्या पुढ्यात असल्यासारख्या दिसायच्या…..

दुर्बिणीतून बघताना त्याला डोंगरावर अचानक काहीतरी हालल्यासारखं वाटलं. त्यानं दुर्बीण अजून झूम करून पाहिल्यावर त्याचे डोळेच विस्फारले. त्याने झटकन दुर्बीण दुसरीकडे वळवली. 

त्याचवेळेस आज बायको घरी एकटीच आहे हे आठवल्यावर तो पोरांना लांबनंच ओरडून म्हणाला “ए पोरांनू म्या आलूच, जरा म्हसरावर ध्यान ठिवा….” 

आणि परत एकदा उंच डोंगरावरचे ते दृष्य पाहून त्याने रस्त्याकडे धाव घेतली.

विषय: 
लेखन
Groups audience: 
मायबोली गणेशोत्सव २०२४
Group content visibility: 
Public - accessible to all site users
शेअर करा

??

Submitted by देवकी on 11 September, 2024 - 12:29

मुद्दाम तशीच ठेवली आहे.

त्याला नक्की जंगली श्वापद दिसलं की मेक आऊट करणारं कपल की चोर वगैरे….

Submitted by अतरंगी on 12 September, 2024 - 02:02

Lol
ज्यांना कळली नाही त्यांना- जव्हेरगंज यांची 'म्हसरांवर ध्यान ठेवा' ही कथा शोधून वाचा . अर्थात अतरंगींनी सगळ्याच शक्यता ओपन ठेवलेल्या दिसतायत.

Submitted by वावे on 12 September, 2024 - 02:41

>>>>>>>>>>त्याला नक्की जंगली श्वापद दिसलं की मेक आऊट करणारं कपल की चोर वगैरे….
ओह वॉव अनेक अंत निघतायत की.

तुमचे नाव अतरंगी नको अंतरंगी हवे.

Submitted by सामो on 12 September, 2024 - 06:37

काही ओपन ended चोर वगैरे नव्हते.. नाहीतर पोरांना एकटे सोडून गेला नसता.. हा त्या चोरीचा मामला आहे ज्यासाठी मामा थांबला आहे Proud

Submitted by ऋन्मेऽऽष on 12 September, 2024 - 11:44

भारी Lol

त्याला नक्की जंगली श्वापद दिसलं की मेक आऊट करणारं कपल की चोर वगैरे…>> किंवा बँकेत कमी गर्दी वगैरे,
लाडकी बहीण योजनेचे पैसे आणायला पाठवायचे असेल बायकोला.

Submitted by वीरु on 12 September, 2024 - 12:58

मस्त !!
आशू , ती गावातली मुले आहेत .

Submitted by अश्विनी११ on 13 September, 2024 - 04:24