Submitted by ओबामा on 17 May, 2024 - 11:01
मध्यंतरी एका अभिनेत्याची राजकारणावरील कविता खूप गाजली..त्याला उत्तर म्हणून एका काकांची कविता पण कायप्पावर फिरली....आता माझी विडंबन कविता...माझ्यामागे कसले चौकशीचे फेरे लागू नयेत हेच त्या विठ्ठलचरणी मागणे.
पाऊले चालती बीजेपीची वाट
सद्य पक्षाची सोडूनिया साथ
गांजुनिया भारी इडी चौकशीने
पडता हातात बेड्यांची माळ
पाऊले चालती …
अण्णा आबा नेते कार्यकर्ते ते
पाहुनिया सारे फिरविती पाठ
पाऊले चालती …
येता होकार श्री पक्षश्रेष्ठींचा
तसा चौकशीचा व्हावा नायनाट
पाऊले चालती …
सारे शांत होता पुन्हा लागे ओढ
तस्सा वाहू लागे भ्रष्टाचाराचा पाट
पाऊले चालती …
विषय:
Groups audience:
Group content visibility:
Public - accessible to all site users
शेअर करा
