हे स्वप्न माझं मोडशील का?

निघालीच आहेस डावलून तर,
एकदा वळून पाहशील का,
कोपऱ्यात या काळजाच्या,
दरवळ बनून राहशील का?
अडखळणाऱ्या या शब्दांना,
थोटका आधार देशील का,
हजार यातना त्यांच्या,
पण,थोड्या ऐकून घेशील का?
भरकटलेल्या या कश्तीला,
दिशा एखादी देशील का,
मूठभर वेदना माझ्या,
आठवण म्हणून नेशील का?
अबोला धरून तरी,
दबक्या पावलांनी येशील का?
रक्ताळलेल्या या जखमांवर,
फुंकर मारून जाशील का?
माळून चेहऱ्यावर हसू पुन्हा,
हट्ट आता सोडशील का?
जागं करून मला पुन्हा,
हे स्वप्न माझं मोडशील का..?