शब्दवेध व शब्दरंग (३)

<भरत, तो केले - केल्या भेद हा माझे - माझ्या यासारखा असेल का?>
कळलं नाही.

केले, गेले ही क्रियापदे आहेत. माझे, माझ्या ही विशेषणे.

षष्ठीबद्दल तुम्ही लिहिले आहे त्याच्याशी सहमत.

भरत, क्रियापदे काय किंवा विशेषणे काय, दोन्ही कर्ता वा विशेष्य यांच्या लिंगानुसार आपण सध्या लिहितो. पण विशेषण हे वरच्या उदाहरणात लिंगनिरपेक्ष होते असे दिसते. तसेच क्रियापदातही असावे का - असा तो प्रश्न होता.

ह पा, तुमी इसकटून सांगितलेले पहिल्यापेक्षा ही अवघड झालेय की राव!

म्हणजे काम केले, चढाई केली...
तुझा भाव, तुझी पावले ...

जाऊ दे कंटाळा आला. विषय बदलू या. एवढं काही महत्त्वाचं नाहीये ते.

ता. क. नुसते केले हे क्रियापद झाले. पण केले गेले या प्रयोगात केले हे क्रियाविशेषण आहे का?

मी एक अजून शब्द ऐकलाय
बावन्न बावन्न !
म्हणजे शोधत बसणे, गोंधळात पडणे -- भरकटणे
" मी बसलो इथे बावन बावन्न करीत, आणि तू ती फाईल घेऊन पोहोचली सुद्धा? कळवायचे तर खरी!"
काय अर्थ असावा नक्की?

मी हे नेहमी ऐकतांना समोरच्याने इतक्या रागात म्हटलेले ऐकले आहे.. की त्याचा मूळ अर्थ कसा असावा हे लक्षात येत नाही!

छान चर्चा.

ह. पा. तुम्ही इथे लिहिलं आणि एक आठवलं,

मलाही बरेच दिवस एक प्रश्न पडलाय, केलं गेलं, परतल गेलं, मिश्रण भाजल गेलं मध्ये गेल नक्की का वापरतात? ते गरजेचं आहे का?

मी मराठी शिकले त्याला अनेक वर्ष लोटली, घरात मालवणी बोलतात, आणि आता मराठी शी संबंध खूप कमी येतो. जे परिचित मराठी बोलतात तेही ३०-४० % इंग्रजी व वेगळ्या पद्धतीचे मराठी शब्द वापरतात असे माझे निरीक्षण आहे. मी हल्लीच एक परकीय भाषा शिकले तसेच माझी मुलं सध्या मराठी बोलू लागल्याने मला सारखी नजर ठेवावी लागते त्यामुळे मी अती चिकित्सक तर झाले नाही ना असे वाटते. पण हे जास्तीच क्रियापद वापरण्याची गरज वा प्रयोजन काय आहे ?

कर्तरी , कर्मणी प्रयोग

एक महामंत्री आणि दुसरे शहामंत्री, असेही म्हणता येईल मग!

भूरिशः
अत्यंत, खूप, खूप वेळा, विविध प्रकारे
......त्या सर्वांचा तो भूरिशः आभारी आहे.

बावन बावन मी पण ऐकले आहे

भूरिशः - हा शब्द मराठीतही आहे हे बेस्ट. हिंदीत भूरि-भूरि प्रशंसा करतात

मांजरपाट मॅंचेस्टरवरून आले असे वाचल्याचे आठवते.

मांजरपाट ऐकले आहे, गादलापाट नाही.
"मांजरपाटाचेच परकर शिवायला लावत सासूबाई आम्हाला...म्हणजे दोन दोन वर्षे फाटायची भिती नाही!... हे असे ? सिल्क आणि सॅटिन ...परकराला?"
इति साबा!

Extempore आणि उस्फूर्त या दोन शब्दांत काही नाते आहे का?

मांजरपाट मॅंचेस्टरवरून आले असे वाचल्याचे आठवते >> +१

कुमार सर , नाते म्हणजे मला म्हणायचे होते की उस्फूर्त शब्द हा Extempore वरुन आला आहे का?
अर्थ तर सेम च आहे ना?

उस्फूर्त साठी spontaneous हा अधिक योग्य

+ १

शाळेत Extempore speech competition असा प्रकार असायचा. ऐन वेळी चिठ्ठी उचलून विषय निवडायचा असे. मराठीत काय म्हणायचे त्याला ते आठवत नाही.

सुरंग = रक्तचंदन

कृष्णाच्या पायांना सुरंग हे विशेषण वाचले तेंव्हापासून किडा वळवळला. नाहीतर मला हिंदीतला भूयार किंवा मराठीतली सुरंगीच माहीत होते.

रक्तचंदन म्हणजेच आळता का?
आमच्याकडे रक्तचंदनाची बाहुली होती.

रक्तचंदन म्हणजेच आळता का? >>> नाही दोन्ही वायले वायले.