Name: पाककृती स्पर्धा क्र. २ - दूधीची सात्विक भाजी- ओजस
Prep time: १० मिनिटे
Cook time: १५ मिनिटे
Yield: ३ - ४ जणांसाठी.
Ingredients: साहित्य - एक लहान दुधी; फोडणीचे साहित्य; तेल; ३-४ हिरव्या मिरच्या; दोन मोठे चमचे भाजलेले शेंगदाणे; मुठभर कोथिंबीर; दोन चमचे तीळ; दोन चमचे खोबऱ्याचा कीस; कढीपत्ता; चवीपुरते मीठ गुळ .

Submitted by ओजस on 25 September, 2023 - 06:09

प्रत्यक्षात लागणारा वेळ:

१५ मिनिटे

लागणारे जिन्नस:

साहित्य -
एक लहान दुधी, फोडणीचे साहित्य, तेल, ३-४ हिरव्या मिरच्या, दोन मोठे चमचे भाजलेले शेंगदाणे, मुठभर कोथिंबीर, दोन चमचे तीळ, दोन चमचे खोबऱ्याचा कीस, कढीपत्ता,चवीपुरते मीठ गुळ .

क्रमवार पाककृती:

१. दुधीचे साल काढून दुधी चोपर (Chopper) मध्ये बारीक करून घ्यावा.
२. भाजलेले शेंगदाणे, हिरव्या मिरच्या आणि कोथिंबीर मिक्सर मधून जाडसर वाटून घ्यावे.
३. कढईमध्ये जरा जास्तच तेल घेऊन, तेल तापल्यावर मोहरी, हिंग ,हळद घालून जाडसर वाटलेला ठेचा , तीळ,कढीपत्ता घालावा.
४. वाटण नीट परतले गेले की दुधी घालावा.
५. मीठ घालून झाकण ठेवून मंद आचेवर एक वाफ द्यावी.
६. चवीनुसार गूळ घालून नीट हलवून घ्यावे.
७. गॅस बंद करून, वरून खोबऱ्याचा किस पेरावा.
८. गरमागरम भाजी तयार!!