बोलायचे आहे मला

तुझ्या बटांच्या हिंदोळ्यावर
झुलायचे आहे मला
तुझ्या ओठीच्या हास्यासाठी
बोलायचे आहे मला
किती पावसाळे
किती चंद्र तारे
तरी पुन्हा खूपदा
बघायचे आहे तुला
विसरून जातो
मी सर्व काही
तुझ्याच साठी केवळ
जगायचे आहे मला
प्रेम कहाण्या अश्या खूप झाल्या
कहाणी नवी
बनवायची आहे मला
दिवस रात्र फक्त
स्वप्न एक आहे
तुला सुख देण्या
खपायचे आहे मला
तुझा हात येता हाती एकदाचा
इतिहास प्रेम लीला
रचायची आहे मला
-प्रथमेश जोशी