कोण जाणे वेस ओलांडून गेले

Submitted by द्वैत on 4 September, 2023 - 14:14

कोण जाणे वेस ओलांडून गेले
शृंखला पायांतल्या तोडून गेले

पाखराला जाग आली मध्यरात्री
रान सारे पार थरकापून गेले

सावल्यांना फूस होती चांदण्याची
पायवाटेला दिवे सांगून गेले

पाहिले मागे वळोनी त्या क्षणाला
वाटले काहीतरी राहून गेले

ज्या फुलाला गंध होता आठवांचा
नेमके का तेच कोमेजून गेले??

द्वैत

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा