भेटशील काय तू ?

Submitted by मनोजकुमार देशमुख on 30 May, 2023 - 03:56

युग सरले आज एक
भेटशील काय तू ?
बोल ते लाडकेच
बोलशील काय तू ?

बोलताना हळुवार
हात हाती घेऊनिया
सवे सोबतीत माझ्या
चालशील काय तू ?

चालताना खोडीचा त्या
फुकाच येऊनी राग
एकटीच अशी मागे
थांबशील काय तू ?

थांबल्या स्मृतीचे मोती
कोंडले ते शिंपल्यात
शिंपले ते अलगत
खोलशील काय तू ?

खोलताना शिंपले ते
ओसंडलीत आसवे
आसवे माझी तुझी
पुसशील काय तू?

आसवांचे पुसणे ते
कल्पनाच ही जरी
कल्पनेतली खरी
भेटशील काय तू ?

विषय: 
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा