सांजावता दाटते का तुझी आठवण?

Submitted by deepak_pawar on 1 November, 2022 - 12:20

सांजावता दाटते का तुझी आठवण?
जीवास या जाळते का तुझी आठवण?

होते तुझे गोड ते लाजणे ही
होते तुझे गोड ते हासणे ही
गेल्या सुखा माळते का तुझी आठवण?

वाऱ्यासवे शब्द येती तुझे हे
पर्णातुनी वाटते नांदती हे
गंधापरी वाहते का तुझी आठवण?

येती जशी पाऊले चांदण्याची
होते कशी काहिली ही मनाची
रातीस या भाळते का तुझी आठवण?

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

छान.

Submitted by मानव पृथ्वीकर on 2 November, 2022 - 12:35

दीपक
मला कविता समजत नाही. पण वाचायला आवडते. तशीच ही आवडली,

Submitted by केशवकूल on 2 November, 2022 - 22:58