चित्रकला स्पर्धा मोठा गटः अश्विनीमावशी पावसाळ्यातील दृश्य

पावसाळ्यातील एक दृश्यः ह्या विषया वरील चित्र काढले आहे. भेटायला ये आत्ताच असा प्रियकराचा संदेश आल्याने प्रेयसी लगबगीने तयार होउन निघाली आहे. छोटीशीच छत्री, पायाला आळता लावलेला तो अजून थोडा ओला आहे. केशरचना केली आहे पण वेणी सैल झाल्याने थोडे केस विखुरले आहेत व गजर्‍यातील थोडी फुले बाहेर पडली आहेत. जोरात वारा असल्याने तरंगत आहेत.

त्यात अचानक पाउस आला आहे रस्त्यात पाणी व छोटीशीच छत्री आहे त्यामुळे अर्धी भिजत आहे. पण जायची गडबडही आहे. त्यात हा मोर येउन मध्येच मोती मागत आहे त्याला ती जा आत्ता म्हणत आहे. निळे आभाळ ढगांनी भरून आले आहे व विजाही चमकत आहेत . रिमझिम पाउस ही सुरू झालाच आहे. कंपोझिशन कसे करावे ह्या साठी गुगल ची मदत घेतली आहे .

दोन दिवस ऑफिसात रफ पेपर वर प्राक्टिस केली

काल घरी येउन ड्रॉइन्ग बुक मध्ये काढले व अर्धे रंगवले.

आज पूर्ण केले. आत्ता पोस्ट केले. खरे तर बारिक निबाची पेने नाही आहेत. नाहीतर अजून छान रंगले असते.

कधी तू रिम झिम पाण्याची बरसात.