मैफिल सरता सरता

उत्तररात्री सूर लागला मैफिल सरता सरता
झंकाराविन जीवन जगलो तारा जुळता जुळता

तृप्त होतसे भल्या पहाटे ओव्या कानी पडता
माय गायची गाणे जेंव्हा ज्वारी दळता दळता

जरी न पुसती मुले पोटची, जीव असा तुटतो की,
चितेवरीही पाश ओढती मागे जळता जळता

तेवत असता समर्पणाने, दुर्लक्षित ती होती
अंधाराची धडकी भरते, समई विझता विझता

>>> क्या बात है !!! खूपच सुंदर शेर आहेत.

मस्त, वर शामा यांनी निवडलेले शेर आवडले.

अतिसुंदर

छान आहे कविता.

अता जिजाऊ सांगत नाही शूरविरांच्या गोष्टी
शिवबा ऐकत असतो फिल्मी गाणी निजता निजता >>
हे पूर्णपणे पटलं नाही. फिल्मी गाणी ऐकणे वाईट नाही. शिवाय सर्व मुलांनी शिवबा किंवा शूरवीरच व्हायला पाहिजे हा आग्रह का? कलाकार, गायक, चित्रकार, कवी होणे म्हणजे काही कमी दर्जाचा माणूस होणे आहे का?

जोहाराची प्रथा कशाला?कधी समजले नाही
वीरमरण का स्त्रीस नसावे, रणात लढता लढता? >> हे योग्य आहे. हे होण्यासाठी 'पुरुषांनीच शूरवीर व्हायला पाहिजे' हा आग्रह सोडायला हवा.