Submitted by _आदित्य_ on 6 January, 2022 - 14:55
दिवस ते हातातूनी निसटून गेले..
चांदणे कोठेतरी हरवून गेले !
मी जयांच्या जीवनातील चंद्र होतो,
लोक ते भोळे मला विसरून गेले !
शोधता पावित्र्य कोठे सापडेना..
काय झाले? जग कसे बदलून गेले?
शब्द ते होते कुणाचे कोण जाणे?
आसवांनी जे मला भिजवून गेले..
एवढे घाईत होते सांजवारे...
की मनातील दीपही विझवून गेले !
वाट मी बघतो परी काही सुचेना..
काव्यही बहुदा मला फसवून गेले !!
.....................
विषय:
Groups audience:
Group content visibility:
Use group defaults
शेअर करा
