लग्नासाठीची पूर्वतयारी

असला तरी चालेल नसला तरी चालेल
>> आवरा...

हॅ हॅ, विषयच असा की आठवणी इकडे तिकडे उतू जातात.
माझा या धाग्यावरचा बोअर करण्याचा कोटा आवरता घेते विषयानुसार पोस्ट येउद्यात.
(आता त्या जुन्या प्रतिक्रिया एडिट करायचा बाण पण धनुष्यातून सुटलेला आहे.)

जवळील नात्यातले लोक काय हवं विचारून आहेर करतात.
बाकी बहुतेक आपल्या मनाने घेऊन येतात. मग नको त्या / त्याच त्या वस्तु जमा होतात, त्या मग माळ्यावर अर्धी जागा व्यापून टाकतात. ते टाळायचं असेल तर लग्न झाल्या झाल्या त्यांची विल्हेवाट लावायला वाघ/वाघिणीचं काळीज लागतं.

पळून जा ह्याच चितचोरबरोबर, लग्न करून परत ये. अडचणींपेक्षा थ्रिल बरे...

माझा शालू सासरी कोणाला फारसा आवडला नाही, पण मला जामच आवडला होता. >>> सेम विथ मी माझा कॉपर शेड मधला रेशमी गुल्बट ईंग्लिश पिंक रंग आहे (कांद्याच्या सालीचा रंग) आणि मी तोच घेतला आणि मिरवला. लोक म्हणत राहिले की नवरीच्या शालुचा रंग डार्क हवा, लाल्/मरून /राणी असा घे...
अमृता तुझे अभिनंदन आणि मेक अप बाबतित इथ्ल्या प्रतिकियांशी सहमत..न्युड आणि नॅचरल शेड्स चाच मेक अप असण्याचा आग्रह धर.
मी_अनू, तुझी पोस्ट वाचून जाम हसले...प्लीज यावर लेख येउंद्यात :डोळ्यात बदाम वाली बाहुली:

जवळील नात्यातले लोक काय हवं विचारून आहेर करतात. >>>> आमच्याकडे अतिजवळच्यांना सऱळ पैसे देण्याची पद्धत आहे. तुला हवे ते घे म्हणण्यापेक्षा लग्नातला खर्चाचा वाटा ऊचलतात. त्यानंतरचे जवळचे एखादी वस्तू सांगून अमुकतमुक तू तुझ्या पसंतीने घे. बिल आम्ही भरतो असे म्हणतात. काही हौशी लोकं हनीमूनही स्पॉन्सर करतात. बाहेरच्या लोकांनी मात्र पैसेच द्यावेत. भांडीकुंडी द्यायचा जमाना तर आता गेलाच आहे. पण ते एकवेळ परवडले. पुष्पगुच्छ मात्र माझ्या डोक्यातच जातात. मला स्वतःलाही जेव्हा जेव्हा मिळाला तेव्हा समोरच्याच्या डोक्यातच मारावासा वाटत होता.

हनिमून आणि इन जनरल 'जोडवी,लग्नातलं मंगळसूत्र, चुडा हे काढू नये, अशुभ सूचक असतं.' असं ज्येना आणि नातेवाईक अगदी निक्षून, डोळे वटारून, घोळात घेऊन घेऊन सांगतील.त्यांना गोड हसून हो म्हणून हे विचार बाहेर निघताना दाराच्या मागे ठेवून देऊन व्यवस्थित चोरीमारी, धोका होणार नाही >>>

अगदि बरोब्बर! मला या मुर्ख प्रथांमुळे पायल, जोडवी या मुळे बुटात जखमा झाल्या होत्या काच बांगडी फुटल्याने हाता लागले होते.. ते आठवले.

दुसरे म्हणजे आहेर देणे आणि घेणे , ही भानगड पूर्णपणे टाळताच आली तर बघा.>>> हे काही शक्य नाही, मानापमान, देणी घेणी ज्यांनी आहेर दिलाय त्यांच्याकडुन तो तेंव्हा स्विकारला गेलाय, सो मग आता त्यांच्या वसुलीचा काळ आहे सो टोमणे ह्याच्या तून आयुष्यभर सुटका होणार नाही..

मुलीं नो अनवट रंगाच्या शालूचे फोटो टाकावे लागतील शास्त्र अस्तंय तसं आम्ही नेहमी जेव्हा जेव्हा व्हिवीआना मध्ये जातो सेकंड फ्लोअर ला हस्तकला आहे तिथल्या साड्या बघून ही का ती करत असतो. खाली पहिल्या मजल्यावर नल्लीज पण आहे. तिथे ही बरा स्टॉक आहे
पन लग्नी खरेदी साठी एक गुजरात्याचे वेगळेच दुकान आहे तिथून खरेदी केलेली.

सर्व नणंदा जावा दीर पोरे टोरे जावई ह्यांना मस्त गिफ्ट घेउन गेले साड्या घड्याळे बारकीला शरारा सूट.
पब्लिक खू ष हो गया. मीच नात्याने मोठी मग पोरांचे लाड केले. एकदम भारी पैकी साड्या

या निमित्ताने एखादी नल्ली किंवा पोथीज ट्रिप करता येईल.किंवा येवला ट्रिप.

गिफ्ट देण्याच्या / घेण्याच्या मी विरुद्ध नाही पण लग्नातील अहेर पद्धत आता कालबाह्य झाली आहे किंवा व्हावी अस मला वाटत. एकतर हल्ली अर्थिक मदत हा मुद्दा गौण झाला आहे. वस्तूच कोणाला अप्रूप राहिलेलं नाही आणि लग्ना सारख्या मोठ्या समारंभात त्याचं फारच बाजारीकरण होतं असं मला वाटत.

ही अहेराची चेन ब्रेक व्हावी म्हणून मी आमच्या मुलांच्या लग्नात कोणा ही कडून अहेर घेणार नाही आणि देणार ही नाही हे सगळ्यांना सांगितलं होतं. मी एका ही माणसाला अहेर दिला नाही ( अपवाद फक्त माझ्या मुलांना लहानपणी सांभाळणाऱ्या काकूंचा. )

पण अहेर न घेणं ही बाब काही जणांच्या बाबतीत माझ्या साठी अशक्य ठरली. तिथे हातात कोंबणारे, खुर्चीवर ठेवणारे, घरी येऊन ठेवून जाणारे आपलं नातं किती जवळच आहे म्हणून इमोशनल प्रेशर टाकणारे अश्यांच्या बाबतीत मी काही करू शकले नाही. पहिल्यांदा मी माझी भूमिका सांगण्याचा प्रयत्न केला पण त्याने मनस्ताप वाढला. माझा कार्याचा आनन्द कमी व्हायला नको म्हणून मग घेतला अहेर. अर्थात फार जणांनी नव्हता आणला अहेर. अहेर घेणं आणि रिटर्न मध्ये काही न देणं हे खूप कठीण आहे पण ही प्रथा मोडण्यासाठी मी ते ओझं वहाते आहे.

चांगल्या गोष्टी झिरपत जातात, त्याचा परिणाम होतो. मला त्रास झाला पण ह्या नंतरची अमच्याकडची कार्य बिन अहेरची ( अर्थात नका आणू अस लिहिलं असेल तरच ) झाली आहेत.

माझा शालू..इथे नसेल द्यायचे प्रचि, तर काढुन टाकेल

सुरेख आहे रंग आशु२९ !

मस्त आहे रंग जनरली शालू लाल निळे डार्क रंगाचे असतात ,हा रंग मस्त वाटतोय.

थॅन्क्यु

function at() { [native code] } अगदी सुरेख आहे शालू. व अहों चा कुडता पण माझे फेवरिट कलर्स ( रंगकामाचे धागे बघा) त्या डार्क बॅक ग्राउंड वर हे लाइट पिंक सुरेख दिसत आहे.

हो शालु, साड्या स्वतःच्या पसंतीच्या निवडा.

माझ्या एका मैत्रिणीची खरेदी आम्ही मुलींनी इथे मुंबईत केली. कारण माहेर-सासरची सर्व मंडळी कर्नाटकात होती. मस्त मोरपंखी कलरचा तिला सुंदर दिसणारा आणि तिच्या बजेटमधे बसणारा शालु घेतला. लग्न कर्नाटकात होते. लग्नाच्या दिवशी शालु बाहेर काढल्यावर आजूबाजूच्या बायांनी हा कुठला कलर? लाल, गुलाबी, मरून नाही का मिळाला वगैरे वचवच केली, जी आम्हाला समजली नाही. नवरीला समजली. तिने अती झाल्यावर 'मला आवडलाय, मी नेसणार आहे' म्हणून सगळ्यांना गप्प केले. आणि खरोखर ती फार सुंदर दिसत होती त्या दिवशी. फोटोही उत्तम आले.

दुसर्या एका बिहारी मैत्रिणीने अनिअन पिंक शरारा निवडला होता. तिलाही घरीदारी खूप कटकट ऐकावी लागली. आम्ही लग्नात नव्हतो पण फोटोमध्ये गोड दिसत होती ती.

ओनीयन पिंक,फिका ग्रे, टिल ब्लु मधला अगदी फिका रंग हे अनपेक्षित रंग दिसतात पण चांगले आणि आजूबाजूला लाल जांभळ्या निळ्या फ्युशिया गर्दीत उठुनही दिसेल.
रंग बघताना नवऱ्या चे कपडे, मागच्या डेकोरेशन चा रंग हे(माहीत असेल तर) बघून नीट कोऑरडीनेट करून घेतले तर फोटो अजून उठावदार येतील.
चमकदार टिकल्या लावण्याबद्दल मिक्स मतं आहेत.कॅमेरा चा फ्लॅश पडून फोटो चुकीचा येतो असं काही मैत्रिणी म्हणाल्या.
आता बरंच नक्षीकाम पूर्ण साडीभर असलेली डिझायनर साडी आणि त्यावर सोनेरी नक्षीकाम सुंदर मोर वगैरे एम्ब्रॉयडरी वाली डिझायनर ब्लाउजेस घालतायत. हे दोन्ही, आणि दागिने नक्षी मिळून मन बरंच गोंधळात पडतं नक्की कश्याकडे पाहू याबद्दल.यापैकी काहीतरी एक बरंच प्लेन ,एक मुख्य रंग निश्चित करणारं असेल तर उत्तम.
फोटोशूट असेल तर फोटोग्राफर्स हे सर्व सुचवतातच.

हा माझा चिंतामणी रंगाचा शालू. खरं तर माझ्या ताईचा तिच्या लग्नात मरून शालू होता, मलाही तो रंग आवडला होता. दुसर्‍या ताईने तिच्या लग्नात काश्मिरी पॅटर्नची पूर्ण नाजूक भरतकामाची अप्रतिम साडी घेतली होती शालूच्या ऐवजी.

मलाच हौस होती मरून शालूची. मग पेशवाईमधे गेलो तेव्हा खाली डिस्प्ले मधे नेसवलेला शालू ताईने बघून ठेवला होता आणि तो तिला खूप आवडला होता. बाकीच्या ४ साड्या घेऊन झाल्यावर मग शालूसाठी ताईने तिथल्या सेल्समन दादांना डिस्प्लेचा शालू आणायला सांगितला. माझ्या नजरेत तो भरलाच एकदम. मरून रंग विसरलेच मी. पण हा काही टिपिकल शालूचा रंग नाही असं वाटत होतं. सासरचेही असंच म्हणत होते. पण नेसून ट्रायल तर बघ असा दोघी तायांनी आग्रह केला. नेसल्यावर तर मी खूषच झाले. मग मात्र कोणी ताणून धरलं नाही.

रात्री नवर्‍याला व्हिडिओ कॉलवर साड्यांचे फोटो दाखवले. (साड्या फॉल वगैरेसाठी लगेच दिल्या होत्या.) "तुला आवडलाय ना, मग झालं!" असं तो म्हणाला. मग मात्र लग्नानंतरही मी खूप वेळा आवर्जून नेसले. आणि दुकानात तो जितका छान नाही वाटला तितका तो साबा-साबूंना नंतर प्रत्येक वेळी आवडला, आणि मुख्य म्हणजे लग्नातली एकही साडी न नेसता तशीच पडून राहिली असं झालं नाही म्हणून सगळेच खूष झाले. मला हौस आहे, शिवाय मी ठरवून इतर साड्या खूप महाग नाही घेतल्या. शालू आणि पैठणी माझ्या त्यावेळच्या हिशोबाने हाय रेंज (१०००० वगैरे प्रत्येकी) , बाकी सगळ्या नवरीच्या बजेटच्या मानाने लो रेंज(३ साड्या मिळून ४०००-५०००). अर्थात मी नोकरी करत होते म्हणून; नाहीतर मी एवढाही खर्च होऊ दिला नसता.
माझ्या ५-६ साड्यांची खरेदी ३ तासांत संपली, नवर्‍याच्या एका सूटने दिवस खाल्ला आमचा. आणि शेरवानी वगैरे दुसर्‍या दिवशी. माझ्यात चिकित्सा करायचे पेशन्स मुळातच कमी आहेत. तेव्हाही नव्हतेच. शिवाय आम्चं एकमत झालंच, तर इतरांना निवड पटत नसे. शेवटी लोकांनी नाद सोडला आणि आम्ही हवी तशी खरेदी केली.

चेहरा न दिसता ही जोडी मस्त दिसतेय हे सांगू शकते प्रज्ञा

मात्र लग्नानंतरही मी खूप वेळा आवर्जून नेसले. आणि दुकानात तो जितका छान नाही वाटला तितका तो साबा-साबूंना नंतर प्रत्येक वेळी आवडला, आणि मुख्य म्हणजे लग्नातली एकही साडी न नेसता तशीच पडून राहिली असं झालं नाही म्हणून सगळेच खूष झाले. मला हौस आहे, शिवाय मी ठरवून इतर साड्या खूप महाग नाही घेतल्या. शालू आणि पैठणी माझ्या त्यावेळच्या हिशोबाने हाय रेंज (१०००० वगैरे प्रत्येकी) , बाकी सगळ्या नवरीच्या बजेटच्या मानाने लो रेंज(३ साड्या मिळून ४०००-५०००). अर्थात मी नोकरी करत होते म्हणून; नाहीतर मी एवढाही खर्च होऊ दिला नसता.
माझ्या ५-६ साड्यांची खरेदी ३ तासांत संपली---
Hi सगळी माझी वाक्ये आहेत प्रज्ञा, sammmmme hereeee. बदल एवढाच की माझी ६ साड्यांची खरेदी पाऊण तासात झाली होती व पंधरा मिनिटे बिलिंग.
सगळ्या साड्या नंतरही खूप वापरल्या.
फिकी साडी घेतली असे टोमणे मला साखरपुड्याच्या साडीवरून ऐकावे लागले आहेत.
माझा शालू अबोली रंगाचा आहे पण फोटो मध्ये गुलाबी दिसतोय

माझ्या लग्नाच्या साडी खरेदीला आई आली नव्हती, काहीतरी काम होते हे एक कारण आणि मुख्य म्हणजे जास्त डोकी लागली तर confuaion वाढते एक मुख्य कारण.
आम्हाला माझ्या साबा ह्यांच्या choice वर विश्वास होता.
मग नवरा साबा आणि मी तिघेच बसलो होतो माझ्या साड्या घ्यायला. तेव्हा मला साड्यामधलं फारसं कळत नव्हतं.
घरून आईला विचारलं होतं, शालू चा रंग कुठला घेऊ. आई म्हणाली अबोली घे. आश्चर्य म्हणजे तिकडे दुकानात त्यांनी दाखवलेली तिसरी साडी अबोली होती तिलाच पसंत केली. नवरा आणि साबा ह्यांना आवडली. Range सुद्धा ठरवून गेलो होतो त्यामुळे सोपं गेलं.
( माझ्या आईच्या लग्नातला शालू सुद्धा अबोली चॉकलेटी होता, माझा अबोली जांभळा, बहिणीने अबोली हिरवा घेतला. )