शशक पूर्ण करा - शूर - मुग्धमानसी

Submitted by मुग्धमानसी on 17 September, 2021 - 02:03

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो आणि ’ईssssssss' किंचाळत आम्ही सारे पसार होतो. पिंट्या कपाटावर चढून बसतो, मनी खिडकीच्या गजांना लटकते आणि मी थेट घराबाहेरच धावते!
पण बाथरूम मधून बाहेर पडलेल्या बाबांच्या चेहर्यावर विजयी भाव! युद्धातल्या शूरासारखं ते प्लास्टिकच्या पिशवीतला मेलेला उंदीर हातात उंच धरून सगळ्यांना दाखवतात आणि आम्ही सारे पुन्हा जमिनीवर येतो. बाबा किती शूर!

उंदिर घराबाहेर फेकून बाबा परततात आणि घाम पुसत हळूच आईला विचारतात - ’दरवाजाला बाहेरून कडी तू लावलीस ना टवळे?’

आई गालात खुदूखुदू हसताना मीच पाहिली. कुण्णाला सांगितलं नाही.

विषय:

गद्यलेखन

शब्दखुणा:

मायबोली गणेशोत्सव २०२१

Groups audience:

मायबोली गणेशोत्सव २०२१

Group content visibility:

Use group defaults

शेअर करा