ओल्या काजूगरांची परतून भाजी (कोरडी)

नवीन रेसिपी माझ्या साठी.. पाहिले नाहीत आणि खाल्लेही नाहीत....रेसिपी छान आहे..फोटो पण एकदम तोंपासु

भारीच.
चीक हाताला लागू नये म्हणून काय करावे?

थोडेसे खोबरेल तेल हाताला लावावे.

छान रेसिपी आहे.दापोलीचे आहेत्,त्यांचे नाव काय आहे?

अच्छा. म्हणजे उतणार नाही ना?

नवीन रेसिपी माझ्या साठी.. पाहिले नाहीत आणि खाल्लेही नाहीत....रेसिपी छान आहे..फोटो पण एकदम तोंपासु >>>>>+११११

वावे, झकास दिसतीय डिश.

वेगळी रेसिपी, मम्मी लाल तिखट घालून थोडीशी ओली चिवचिवीत करते, आता एकदा अशी करून बघू

काजू बी फोडून त्यातून काजू गर काढताना चीक उडतो, बोटांना लागतो, चेहेऱ्यावर ही उडतो, काजू बीशी शरीराचा स्पर्श झालेल्या प्रत्येक ठिकाणी उततो. पण एकदा गर काढून वेगळे केले की ते हाताळताना चीक लागत नाही फारसा आणि उतण्याचा धोकाही उरत नाही. गरम पाण्यात थोडा वेळ घालून ठेवावेत आणि मग साले काढावीत. इकडे विकायला येतात ते बहुतेक वेळी कोवळे गर सुकवून ठेवलेले असतात. विकायला आणताना आधी भिजवून ठेवतात. हिरवी बी फोडून नुकतेच काढलेले ताजे कोवळे सोललेले गर किंचित पोपटी दिसतात. आणि डिंकामुळे कडांना काळसर दिसतात.

वाह ! तुला बंगळूरात ओले काजू मिळाले म्हणून मलाच अति आनंद होतोय

संपले असतील ओले काजू एव्हाना
छान पाकृ

मला ते न सोलता कसे दिसतात पाहायचे होते...

वावे , गावाकडचा शब्द आहे हा रस्सा भाजीला ☺️
भाजी कोरडी करायची नाही अन खूप पातळ पण नको असेल तेव्हा थोडी चिवचिवीत करायची म्हणतात.

गावी काजूबागेतून फिरत मुरटे खाऊन बिया चुलीत टाकायचो मग ती फोडून आतला गर खायचा हा प्रकार लहानपणी केलाय. कोवळा गर नुसताच खाल्ला की पोटात दुखते म्हणून खाऊ द्यायचे नाहीत कोणी

अच्छा.. फोटोसाठी थँक्स वावे.

आमच्या घरी काजू सोलणार्या माणसावर लक्ष ठेवायला अजून एक माणूस गुंतवून ठेवला तरच उसळ मिळेल अशी गत असायची इतके ते काजू नुसतेच संपायचे!
मे महिन्यात आईकडे गेलं की पहिल्या जेवणातच आमरस, उकडगरे, ओल्या काजूची उसळ, वर्षभरात मुरलेले पण खाऊन संपत आलेलं आंब्याचं लोणचं असा जोरदार थाट!

छान

ओल्या काजूगरांची उसळ करून खाण्यापेक्षा नुसतेच खायला आवडतील/ आवडतात.

छान रेसिपी ...!
भाजीचा फोटो मस्तच दिसतोयं..!

वावे,
मस्त, आमच्याकडे सेम अशीच करतात. या वेळेस मात्र आणणार कुठुन आणि कोण त्यामुळे होणार नाही भाजी असं वाटतंय.
मी ओले काजुगर फ्रीझर ला न सोलता ठेवते. २-३ महिने तरी नक्की टिकतात.

वावे मस्त रेसिपी..
आमच्याकडे गोडा मसाल्याचे वाटण आणि बटाटा टाकून थोडी रस्सा असलेली भाजी बनवतात ओल्या काजूची.. आता या रेसिपी ने पण ट्राय करू..

भारी !
जुईने लिहिलेय तशी भाजी आमच्याकडेही करतात .या रेसिपीने एकदा करून बघितलं पाहिजे

आमच्याक्डे मस्त कांदा खोबरे वाटण वगैरे लावून , बटाटा काजू उसळ बनते. तिखट असते.

तुपावर गूळ आणि ओले काजू एकत्र करून शिjवायचे.वरून ओले खोबरे घालून खायचे.हे पण मस्त लागते.

मस्त रेसिपी. खूपच आवडती भाजी.

मी फोन नंबर देईन त्यांचा.>> इथेच तुमच्या पोस्टच्या खाली त्यांचे नाव आणि नंबर द्या ना...... बहुतेक चालावे. अ‍ॅडमीन ना एकदा विचारुन बघा......

रेसिपी छान आहे, काजूचे गोड पण छान लागते.

काल सावंतवाडीच्या बाजारात 3 रुपयाला एक ओला काजू हा भाव होता. रेसिपीत दीडशे ते दोनशे काजू वाचून धस्स झाले

काजूगर नसतील तर नुसतेच काजू वापरावेत का...
काजू मटार खोबरं उसळ करते..हे नवीन आहे. शिवाय खूप स्निग्ध होते का?? छान रेसिपी .

काजूगर नसतील तर नुसतेच काजू वापरावेत का...>>>

सुकलेले नेहमीचे काजू भिजवून करता येते उसळ. हे म्हणजे दुधाची तहान ताकावर..