Submitted by सप्रसाद on 28 February, 2021 - 02:39
सलामत रहावी अयोध्या नि काशी
कराया हवी सज्ज प्रत्येक झाशी
जणू ग्रंथ डोक्याजवळ ठेवलेला
असू दे तुझा हात माझ्या उशाशी
इथे पंगती सारख्या मांडलेल्या
कसे ओळखावे अधाशी, उपाशी?
नको थांबणे अन् नको धावणेही
जगाने असा मोजला वेग ताशी
पडू द्या जरा बातमी थंड सध्या
नको द्यायला त्यास आताच फाशी
पहा, कल्पवृक्षास आला शहारा
कवी एक बसलाय त्याच्या तळाशी
विषय:
Groups audience:
Group content visibility:
Use group defaults
शेअर करा
सुंदर
सुंदर