झी-मराठी : येऊ कशी तशी मी नांदायला

आणी मोहितनं ऐकलं?

एवढं म्हणण्यासाठी तरी श्र्वीटू तोंड उचकटते हे कमी नाही.. तिचं अन
प्रेक्षकांचं अभिनंदन...!!

नवीन नोकरी च्या ठिकाणी ही ऍग्रिमेंट करे पर्यंत दोघे समोर येऊ नयेत म्हणून स्वीटू ला बॉस च्या केबिन मध्ये बॉस नियम समजावून सांगते,सही घेते
आणि ओम इंटरव्ह्यू घेणारा पोरग्या समोर बसून काँट्रॅक्ट वाचतो.

स्वीटू ने मंगळसूत्र घालायचे की नाही ह्यावर कुणाचे काही म्हणणे नाही, जबरदस्ती नाही
मग लग्नाच्या वेळी कुठे गेलं होतं हे शहाणपण??

'आपल्या दोघान्मध्ये काहीच होऊ शकत नाही अस ती म्हणालीये मोहितला.
>>>> वाचला मोहीत

वाचला मोहीत >> असं कसं आसं कसं....मग काय अर्थय त्या लग्नाला. अस्संच लग्न होतं तर मग इतकं फुटेज का दिलं त्याला?

काल अनेको दिवसांनी एक प्रोमो पाहिला त्यात स्वीटु एक जळका पत्राचा तुकडा वाचाताना दाखवत होते , तिला कोणीतरी ( बहुतेक चिन्या, काका, रॉकी ) पत्र देतात की लग्नात नक्की काय झालं होतं ते.... म्हणुन आज उत्साहाने पुढचा भाग पहिला की चला आता कळलं असेल तिला खरं...तर कुठलं काय ? नेमकं महत्वाचे शब्द जळले म्हणे त्या पत्रातले आणि पहिली ओळ वाचुन स्वीटु चा गैरसमज झाला की ओम मुळे वडील जीव द्यायला गेले ई ई....
मी रागारागाने त्यांच्या ऑफिशिअल पेज कर कमेंट लिहुन आले आहे...इतकं भंगार का लिहितोय यांचा लेखक ? किती दिवस तेच तेच दळण...
मालिका बघायची सोडली तेच बरं आहे....परत अशा प्रोमो ला भुलणार नाही..
आपला बिग बॉस झिंदाबाद...बाकी काही बघण्यालायक नाहिये

अरे कोण हा ढ लेखक?
केड्या लिहितोय की काय हे पण? अत्यंत फालतू स्टोरी चालू आहे.

भारी ट्रॅक सुरू आहे... फास्ट लोकलला स्लो ट्रॅक वर आणुन कुठ्ल्याही स्टेशनवर थांबवत आहेत. काय तो साळव्यांचा अविर्भाव. किती किलोची खीर करायला घातली म्हणे..? त्या खिरीच्या ऑर्डरसाठी आख्खं घर १००-२०० स्क्वेअर फुटांनी मोठं करावं लागलं बिचार्‍यांना. स्विटूने विलायची कुटली. नक्की काय कुटलं हे बघितलं तर ज्वानीचा मसाला आहे की काय अशी शंका आली. त्यात त्या ओम्याने दोन्ही हात भाजून घेतले तोवर हिने चिठ्ठी जाळून ठेवली. अरे देवा... प्रेक्षकांना किती वेळा धक्के द्यायचे यालाही काही सीमा..?

मी हल्ली सोनी मराठी वरची "अजुनही बरसात आहे" अन ही "येऊ कशी तशी मी नांदायला" एकाच वेळी बघतो. दोन्हींचे ब्रेक एकमेकांना पूरक आहेत. म्हणजे बघा असं करतो मी की ८ वाजता येऊ कशी तशी मीचं भन्नाट टायटल सॉंग बघायचं (इतके महिने झालं सुरु होऊन पण अजुनही तेवढंच आवडतं..!) ते संपलं की लगेच सोनी मराठीवर "अजूनही बरसात" लावायचं तिकडे पहिल ब्रेक लागला की इकडे झीम वर यायचं अन इथे ब्रेक लागला की तिकडे सोनी म वर पळायचं. एकाच वेळी दोन्ही बघून होतात अन साळव्यांच्या दळभद्रीपणाचा असर तिकडे माठक अन कसाईंचा रग्गेलपणा बर्‍याच प्रमाणात कमी होतो असा स्वानुभव आहे

त्या स्विटूला केस बांधणं जमतच नाही का? केवढे ते पिंजारलेले केस दिवसरात्र.
आणि शेवटी एकता कपूर स्टाइलने ओमच्या हातून स्विटूची माँग भरली गेली.

काहीही दाखवलं का हे..? देवीच्या मंदीराची पुजा ष्वीटू अन मोहितच्या हस्ते होणार असते. त्यासाठी मोहित सासुरवाडीत आलेला असतो. दीड रुमच्या घरात कसं झोपायचं म्हणुन तो सर्वांना बाहेर झोपवतो. जाता जाता ओम्याची उशी पण हिसकावतो. काहीही दाखवत होते काल. देवीच्या पुजेला बसायचा मान मिळाला पण त्यासाठी या दोघांना उपास करायला सांगितला होता. ष्वीटू उपास ठेवते पण मोहितला असह्य होऊन तो काहीतरी खाऊन येतो. मग एवढी जोडपी चाळीत असताना ओम्या अन ष्वीटूला कसं काय बरं पुजेला बसवलं..?
बाकी तायडाचा नवीन ड्रेस भारी होता.. नेहमीप्रमाणेच..!!

स्विटू एकटीच बसली पुजेला. पण ते कुंकवाचं ताट ओम आणत असताना कसा काय कुणास ठाऊक तोल जातो त्याचा आणि ते ताट कुंकवासकट मैलभर लांब बसलेल्या स्विटूच्या जवळ असंकाही पडतं की त्यातलं सगळं कुंकू तिच्या तोंडावर पडतं. पण पडताना exactly तिच्या भांगात पडायला विसरत नाही हं. Btw उद्या असणार आहे हा छळ. प्रोमोमधे दाखवलं.

ओम्या ह्या काळातला अलका कुबल आहे

हो ना... किती रडत असतो हल्ली. त्याचं अभिनय कौशल्य बघून त्याला पुढे हिरोईनची कामे मिळतील असं वाटून गेलं.

स्विटू एकटीच बसली पुजेला. पण ते कुंकवाचं ताट ओम आणत असताना कसा काय कुणास ठाऊक तोल जातो त्याचा आणि ते ताट कुंकवासकट मैलभर लांब बसलेल्या स्विटूच्या जवळ असंकाही पडतं की त्यातलं सगळं कुंकू तिच्या तोंडावर पडतं. पण पडताना exactly तिच्या भांगात पडायला विसरत नाही हं. Btw उद्या असणार आहे हा छळ. प्रोमोमधे दाखवलं.>>> वाचूनच हसं थांबेनास झालं...

भारी विनोदी सीन आहे.
ओम डाव्या दिशेने चालतोय , त्याचा पाय मुडपतो बहुतेक.
त्याने उजव्या हातात पकडलेली थाळी अक्षरशः उडून दोन फुट लांब बसलेल्या स्वीटूच्या चेहर्यावर कुंकू उडत.
थाळी कुठे आदळली त्यात मला जास्त interest आहे.

ओम्या ह्या काळातला अलका कुबल आहे >>

कुणी बघितलं का ते हळदी कुंकू ड्रामा..? ष्वीटूच्या भांगात कुंकू पडलं म्हणजे त्यांचं लग्न झाल्यात जमा असंच नलीला वाटलं असणार अन त्या आनंदाने तिच्या डोळ्यात आनंदाश्रू आले असणार. पडत्या फळाची आज्ञा मानून नली अन शकू मोहित अन ष्वीटूचा घटस्फोट करणार. मोहीत मग ष्वीटूला २-४ करोडची पोटगी मागणार. मोहितची पोटगी फेडून ओम्यासोबत संसार थाटवण्यासाठी शकू, रॉकी भरपूर प्रयत्न करणार. नलीसहीत उरवरीत समस्त साळवी भयंकर कष्ट उपसणार. पोटगीचे पैसे भरण्यासाठी नली अन महामाठ काकू ३०० ऐवजी रोज ३००० चपात्यांच्या ऑर्डरी घेणार. माठ चिन्या अंबरणाथ ते सी.एस.टी.एम. स्थानका पर्यंत्रोज चणे-फुटाणे विकणार. महामाठ काका मिक्सर, इस्त्री सोबत टिव्ही,फ्रीज्, ट्रक, विमान दुरुस्तीची कामे घेणार. दादा साळवी पुन्हा तायडाच्या पाया पडून खानविलकर्स मधे अकाउटंटची नोकरी मागुन घेणार अन सफाईकामगाराची कामे करणार. ष्वीटू फराळाचे सामान खांद्यावर घेऊन चाळीत दारोदार भटकणार... ओम्या पण थाथुर-माथुर कामं करुन मोहितला पोटगी देणार.

हे सर्व करण्यापेक्षा मोहितला सवत्या म्हणुन खानवीलकर व्हिल्यात ठेऊन त्याच्या खानपानाची जबाबदारी का घेऊ शकत नाहीत हे ओम्या-ष्वीटू..?

DJ फारच बाई मोठ्या अपेक्षा तुमच्या.
नली मोहितच्या उपकाराखाली दबलेय. स्विटूची आणि एकूणच साळव्यांची लाज राखली म्हणे त्याने मांडवात. दादांना भलं मोठं लेक्चर दिलान 'मोहितराव-एक देवमाणूस' या विषयावर तिने. पोरीचा "सुखात" चाल्लेला संसार बघतेय ना ती.

मागचा इतिहास बघता झालेली चुक लवकरच कळेल नलीला (भले गाढवही गेलं अन ब्रम्हचर्यही गेलं तरी चूक कळाली हे महत्त्वाचं..!!). पुन्हा एकदा तिचं नाक गळू लागेल... ओठ लळू लागेल.. डोळे वाहू लागतील. पिंजारलेल्या टारल्यातला मेंदू लवकर ठिकाणावर येइल असं वाटतंय. बघु.. काय होतं ते. आपल्या हातात आहेच काय म्हणा..! आपल्या हातात असतं तर एकेका दळभद्री साळव्याचं इकडचं गालफाड तिकडे केलं असतं..!! :रागः

आजच्या भागात नक्की काय झालं..? रॉकी अन श्वीटू ठाणे-वंदना एस.टी. स्टँडवर का धावपळ करत होते..? ओम्या एका साधारण श्रेणीच्या मुंबई-बेंगलोर एस.टी. मधे जाऊन का बसला होता..? तेही सूट-बुट घालून...?? असं सुटा-बुटात कोणी एस.टी. मधे बसतं का..?? बरं पैसेच वाचवायचे होते तर मुम्बई-बेंगलोर एस.टी.चं तिकिट स्वस्त वाटलं का निर्मात्याला..?? निदान १५०० रुपये तरी नक्कीच असेल. त्यापेक्षा रेल्वेने स्लिपर कोच ने गेला असता तरी ५००-६०० मधे बेंगलोरला पोचला असता. सेकंड क्लास चेअर कारने गेला असता तर दोक्यावरून पाणी २५० रुपयांपेक्षा जास्त खर्च आला नसता त्याला.

एस.टी. स्टँड वरची रॉकी अन श्वीटूची धाववळ बघणं असहनिय झालं होतं. एवढ्या मोठ्या स्टँडवर इन मीन दोनच बस उभ्या होत्या. त्यातली एक एशियाड. ओम्या बेंगलोरला जाणार होता तर आख्ख्या स्टँडवरचे सर्व प्लॅटफॉर्म धुंडाळत अन तिथं वाट बघणार्‍या प्रवाशांना ओम्याचे फोटो दाखवत नक्की काय साध्य करत होते ते दोघे..? थेट बेंगलोरला जाणार्‍या प्लॅटफॉर्मवर जायचं ना.. तो माहित नसेल तर कंट्रोलरला विचारायचं. तेवढीही बुद्धी नसेल तर आख्ख्या स्टँडवर उभा असणार्‍या २ बसेस मधे चढुन बघायचं ना... दळभद्री साळव्यांच्या खानदानातली आहे म्हणुन ष्वीटूचं एकवेळ पटवून घेता येईल पण रॉक्या..?? तोही तसाच...???? हे असले सुना-जावई मिळाल्यावर कसं व्हायचं खानवीलकरांचं काय माहीत..!!!!!

तिकडे साळव्यांच्या घरात मोहित श्वीटूचं तुटलेलं मंगळसुत्र हातात घेऊन सोन्याची अंडी देणारी कोंबडी पळून गेली असं मनाशीच काहीतरी पुटप्टत होता अन दादा साळवी, केसं पिंजारलेली नली ग्यानमुड्यासारखे मोहितकडे एकदा अन एकमेकांकडे एकदा असे बघत होते. नक्की काय झालं कुणास ठाऊक.

उद्याच्या भागात ओम्या एस.टी.च्या खाली उतरला आहे अन स्टँड मधे उभा असलेल्या एस.यु,व्हीच्या पुढे उभा राहुन श्वीटूच्या हातात हात देऊन निरुपा रायला लाजवेल अशी टिपं गाळत असलेला दिसला तर तिकडे शकू अन नली एकमेकींना भेटून श्वीटू अन ओम्या एकत्र येऊ दे रे देवाचा गजर करताना दिसल्या.

सात्विक संताप DJ. मुंबई ते बँगलोर ३०० रुपये तिकिट ऐकून गलबललंच. एवढं स्वस्त आहे सगळं आणि लोक उगाच महागाई-महागाई ओरडत असतात. ज्या स्पीडने हे मुंबई-अंबरनाथ फिरतात, ओम फारफार तर ४ तासात पोहोचला असता बँगलोरला. असो. उतरला ना, बास. ३०० रुपडे फुकट गेले.
रडताना एकूण एक पात्र भयानक दिसतात, प्रचंड भीतीदायक.
आता सगळं नॉर्मल झाल्यावर म्हंजे तायडाचं डोक ठिकाणावर आल्यावर, तिने सगळं खरंखरं बरळल्यावर, मोहितचा पत्ता कट केल्यावर, ओम-स्विटूचं लग्न झाल्यावर तरी संपणार ना हा टॉर्चर?

अहो मी चिन्मयी, मी एस.टी. चं तिकिट ३०० नाही १५०० रुपये म्हणलो (कदाचित जास्तही असावं..!) ते ३०० रुपये भारतीय रेल्वेच्या द्वितीय श्रेणीच्या अनारक्षित कुर्सीयान साठी तसेच द्वितीय श्रेणीच्या आरक्षित शयनयान साठी फार फार तर ५००-६०० रुपये लागले असते असं म्हणलो.

आपल्या एस.टी. सारखी महागडी एस.टी. उभ्या भारतात सापडणार नाही. तरिही ती चांगलीच आहे हे मान्य करावंच लागेल.

अहो DJ, ओमने ३०० रुपयेच दिले तिकिटाचे. म्हणून म्हटलं मी तसं.

ओमचा मेकओव्हर होणार, तो बॅड बॉय होणार आणि मालिका लीप घेणार अशी बातमी वाचली. मालिका वाईटच राहणार याची खात्री आहे.

ओमने ३०० रुपयेच दिले तिकिटाचे. म्हणून म्हटलं मी तसं.>> ३००₹ मध्ये एस. टी.ने मुंबई ते बेंगलोर..? हाप तिकीट पण ८००₹ च्या वर असेल... ओम्याला ३००₹ मध्ये बेंगलोर..??

अंबरनाथ मुंबै हून १५ मिनिटांवर आहे तर बंगलोर फार तर तासाभराच्या अंतरावर.

मुंबई ते बंगलोर एस टी जाते? ऐतेन. थोडा भाग बघितला या प्रसंगाचा. स्वीटू डोळे पुसत होती की नाक साफ करत होती तेच कळत नव्हतं. सगळे भयाण दिसतात जसा काहीच मेकअप नाही केलाय. मोहित खाली बसून मंसू मधले मणी गोळा करत होता.

मुंबई ते बंगलोर एस टी जाते? >> हो जाते. आपली पण जाते अन त्यांची पण येते. सर्वसाधारण बस फेरीमधे मुंबई ते बेंगलोर अशा डायरेक्ट शिटा मिळण्याची जरी सुतराम शक्यता नसली तरी त्या रुटवरच्या १५०-२०० किमी वरच्या शहरांना या फेरीमुळे जरा फास्ट सर्व्हिस मिळते असा माझा तरी अनुभव आहे.

काल ओझरते बघितलं. ओम्या मवाली झालाय. टाळकं पण सटकलेल दिसलं. शकू त्या स्क्रिझोफोनिक ओम्याला शहाणपणा शिकवताना दिसली. काय चाललंय म्हणे नक्की..??