पास्ता का बीस्था.. टाकाऊ पासून timepass

Ready to cook pasta packet संपले होते, कधीतरी मागे एकदा dmart मधून loose macaroni pasta shells packet आणून ठेवले होते. आता पहिले तर expiry date झाली होती.

तसं हे shells अगदी सुवस्थेत होते, खुळखुळ वाजत होते. पण नको म्हटलं उगाच रिस्क..

मग ते तसंच कचरापेटीत टाकायला चालले, तेवढ्यात पोरीचा रंगाच्या डब्यांचा पसारा पसरलेला दिसला. मग काय लागले तयारी ला..

पास्ता नेकलेस करायचा होता, पण चांगला भक्कम धागा नाही मिळाला.

सुरुवातीला थोडे थोडे शेलस वेगवेगळ्या प्लेट्स मध्ये घेऊन त्यात रंग आणि 2-3 थेंब पाणी टाकले, ब्रश घेऊन मिक्स मिक्स करत बसले.. अर्थात लेकीला घेऊन. तिने भरपूर पाणी टाकला. आणि कलरफुल पास्ता सूप म्हणून ओरडायला लागली..

वेगवेगळ्या रंगात पास्ता रंगवला.. आणि 2-3 तास सुकू दिला. सगळ्या रंगाचे फोटो नाही काढले..
हे शेवटी आर्ट बनवून झाल्यावर उरलेले..

दुसऱ्या दिवशी मॅडमने यात बसकाभर फेविकॉल ओतला.. (त्याआधी फोटू काढला होता)

हे जमवलेले आर्ट

Amazon च्या डिलीव्हरी बॉक्सेस चे आयत कापून, वरून पांढरा कागद चिकटवला.. त्यावर रंगवलेला पास्ता चिकटवला..

राडा खुप होतो, पण माझ्या मुलीनं एंजॉय केला..

अजून वेगवेगळ्या designs करता येतील, glitters वापरून करता येईल काही. तसेच मोर बदकं वगैरे पक्षी करता येतील..
पास्ता शेलस वर बारीक टोकाचा ब्रश वापरून design करता येईल. हे नंतर सुचलं..