मस्त नशीला वारा आला

Submitted by बेफ़िकीर on 6 May, 2020 - 13:16

मस्त नशीला वारा आला
देहाचा तिटकारा आला

हजारवेळा जात बदलली
त्यानंतर गाभारा आला

हात नेमका जेव्हा सुटला
रस्ताही अंधारा आला

वृद्धाश्रमचालक खुष आहे
एक नवा म्हातारा आला

असा स्वतःच्या घरी पोचलो
जणू कुणी वंजारा आला

हे कळण्यातच जन्म संपला
नजरेतून इशारा आला

इतके छान कुणीही नव्हते
कसा नभी हा तारा आला

आज केवढी मिळकत झाली
एक जुना सुस्कारा आला

'बेफिकीर' व्यामिश्र किती मन
रोमांचात शहारा आला

-'बेफिकीर'!

विषय:

काव्यलेखन

शब्दखुणा:

मस्त नशीला वारा आला

Groups audience:

गुलमोहर - गझल

Group content visibility:

Public - accessible to all site users

शेअर करा

"हात नेमका जेव्हा सुटला

"हात नेमका जेव्हा सुटला
रस्ताही अंधारा आला"
मस्त.....

Submitted by मनोजकुमार देशमुख on 6 May, 2020 - 13:54

बेफिकीर... तुम्ही लिहीते

बेफिकीर... तुम्ही लिहीते झालात त्याबद्दल अनेक आभार.
गझल आवडली.
हजारवेळा जात बदलली
त्यानंतर गाभारा आला >>>>जबरदस्त.
व्यामिश्र = complex = गुंतागुंतीचे
शब्दाचा अर्थ गुगलच्या मदतीने शोधला.
धन्यवाद .

Submitted by अस्मिता. on 6 May, 2020 - 14:18